సినిమా ఇండస్ట్రీలో వరుసగా సెలబ్రిటీ పెళ్లిళ్లు అభిమానులను సర్ప్రైజ్ చేస్తున్నాయి. తాజాగా ఇప్పుడు మరో నటి తన వివాహ వార్తతో సోషల్ మీడియాలో హాట్ టాపిక్గా మారింది. ‘లవ్ టుడే’ సినిమాతో ప్రేక్షకులకు మరింత దగ్గరైన రవీనా రవి సడన్గా పెళ్లి చేసుకుని కొత్త జీవితాన్ని ప్రారంభించారు. నటి మాత్రమే కాకుండా ప్రముఖ డబ్బింగ్ ఆర్టిస్ట్గా కూడా మంచి గుర్తింపు తెచ్చుకున్న రవీనా, ఎంతో మంది స్టార్ హీరోయిన్స్కు గాత్రదానం చేసి ప్రత్యేకమైన గుర్తింపును సంపాదించారు. తెలుగు, తమిళ్, మలయాళ భాషల్లో తన వాయిస్తో ప్రేక్షకులను ఆకట్టుకున్న ఆమె, ఇప్పుడు వ్యక్తిగత జీవితంలో కొత్త అధ్యాయాన్ని మొదలుపెట్టారు.
తాజా సమాచారం ప్రకారం, రవీనా ప్రముఖ దర్శకుడు దేవన్ జయకుమార్ ను వివాహం చేసుకున్నారు. కుటుంబ సభ్యులు, అత్యంత సన్నిహితుల సమక్షంలో ఈ వివాహ వేడుక సాదాసీదాగా జరిగినట్లు తెలుస్తోంది. మొదట ఈ వార్త బయటకు రావడంతో అభిమానులు ఆశ్చర్యపోయినా, తర్వాత కొత్త జంటకు సోషల్ మీడియాలో శుభాకాంక్షలు వెల్లువెత్తుతున్నాయి.
ఇద్దరి పరిచయం ఒక సినిమా సమయంలో ఏర్పడి, తర్వాత అది ప్రేమగా మారిందని ఇండస్ట్రీ వర్గాల్లో టాక్ వినిపిస్తోంది. కుటుంబాల అంగీకారంతో ఇప్పుడు వివాహ బంధంలోకి అడుగుపెట్టినట్లు సమాచారం. పలువురు స్టార్ హీరోయిన్స్కు వాయిస్ అందించడమే కాకుండా, అనేక భాషల్లో తన ప్రతిభను నిరూపించారు. ఇటీవల నటిగా కూడా వరుస అవకాశాలు అందుకుంటూ ముందుకు సాగుతున్నారు. మొత్తానికి, రవీనా రవి పెళ్లి వార్త ఇప్పుడు సినీ వర్గాల్లో చర్చనీయాంశంగా మారగా, అభిమానులు ఈ కొత్త జంటకు శుభాకాంక్షలు తెలియజేస్తున్నారు.
