రీమేక్ స్టోరీతో రవితేజ సినిమా!

గత కొన్నేళ్లుగా మాస్ మహారాజా రవితేజ నటించిన సినిమాలేవీ కూడా సరైన సక్సెస్ ని అందుకోలేకపోయాయి. వరుస డిజాస్టర్ లతో ఉక్కిరిబిక్కరి అవుతున్నప్పటికీ.. ఆయనకు ఇండస్ట్రీలో అవకాశాలు వస్తూనే ఉన్నాయి. ప్రస్తుతం ‘క్రాక్’ అనే సినిమాలో నటిస్తోన్న ఈ హీరో రీసెంట్ గా ‘ఖిలాడీ’ అనే మరో సినిమా అనౌన్స్ చేశాడు. రమేష్ వర్మ ఈ సినిమాను డైరెక్ట్ చేయనున్నారు.. గతంలో వీరిద్దరి కాంబినేషన్ లో వచ్చిన ‘వీర’ సినిమా అట్టర్ ఫ్లాప్ అయినప్పటికీ రవితేజ మరోసారి ఛాన్స్ ఇవ్వడం ఆశ్చర్యాన్ని కలిగిస్తోంది.

ఈసారి రవితేజకి ఎలాగైనా హిట్ ఇవ్వాలని భావిస్తోన్న రమేష్ వర్మ సొంత కథను కాకుండా రీమేక్ కథను ఎన్నుకున్నట్లు తెలుస్తోంది. ‘ఖిలాడీ’ సినిమా టైటిల్, ప్రీ లుక్ పోస్టర్స్ చూస్తుంటే ఇది రీమేక్ సినిమా అని కొందరు కన్ఫర్మ్ చేస్తున్నారు. తమిళంలో అరవింద్ స్వామీ, త్రిష జంటగా నటించిన ‘శతురంగ వేట్టై 2’ కథతో ఈ సినిమాను తెరకెక్కించనున్నారని సమాచారం. కొన్నేళ్ల క్రితం తమిళంలో విడుదలైన ‘శతురంగ వేట్టై’ సినిమా సక్సెస్ అవ్వడంతో దానికి సీక్వెల్ గా ‘శతురంగ వేట్టై 2’ సినిమాను తెరకెక్కించారు.

తెలివిగా ఆర్ధిక నేరాలు చేసే ఓ మోసగాడి కథతో ఈ సినిమాను తెరకెక్కించారు. అయితే కొన్ని కారణాల వలన ఈ సినిమా విడుదలకు నోచుకోలేదు. త్వరలోనే ఓటీటీలో ఈ సినిమా విడుదలవుతుందని అంటున్నారు. అయితే ఇది మంచి కథ అని తెలుసుకున్న దర్శకుడు రమేష్.. రవితేజతో చర్చించి.. రీమేక్ చేయడానికి సిద్ధమైపోయారు. సినిమా పోస్టర్ లో డబ్బు ఎగురుతూ కనిపించడం, ‘ఖిలాడీ’ అనే టైటిల్ ని బట్టి ఈ సినిమా ‘శతురంగ వేట్టై 2’కి రీమేక్ అని చెబుతున్నారు. మరి రీమేక్ కథతో రవితేజ హిట్ కొడతారేమో చూడాలి!

టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!