Ravi Teja vs Balakrishna: స్టార్ హీరో బాలకృష్ణ ఆ సెంటిమెంట్ ను బ్రేక్ చేస్తారా?

టాలీవుడ్ స్టార్ హీరోలలో ఒకరైన బాలకృష్ణ అనిల్ రావిపూడి సినిమాతో దసరా కానుకగా ప్రేక్షకుల ముందుకు రానున్నారు. బాలయ్య అనిల్ కాంబో మూవీకి టైటిల్ ఫిక్స్ కాకపోయినా ఈ సినిమాకు సంబంధించి అనధికారికంగా ఎన్నో టైటిల్స్ ప్రచారంలోకి వచ్చాయి. అయితే ఏ ఇండస్ట్రీలో సెంటిమెంట్లను నమ్మినా నమ్మకపోయినా సినిమా ఇండస్ట్రీలో నమ్ముతారు. బాలయ్య రవితేజ సినిమాలు బాక్సాఫీస్ వద్ద పోటీ పడితే మెజారిటీ సందర్భాల్లో రవితేజకు విజయం దక్కింది.

రవితేజ (Ravi Teja) నటించిన కృష్ణ బాలయ్య నటించిన ఒక్కమగాడు బాక్సాఫీస్ వద్ద పోటీ పడగా ఒక్క మగాడు మూవీ డిజాస్టర్ గా నిలిస్తే కృష్ణ మూవీ సక్సెస్ సాధించింది. బాలయ్య నటించిన మిత్రుడు, రవితేజ నటించిన కిక్ మూవీ బాక్సాఫీస్ వద్ద పోటీ పడగా ఈ రెండు సినిమాలలో కిక్ మూవీ సక్సెస్ సాధిస్తే మిత్రుడు మూవీ డిజాస్టర్ రిజల్ట్ ను సొంతం చేసుకోవడం గమనార్హం. 2011లో పరమవీరచక్ర, మిరపకాయ్ సినిమాలు పోటీ పడగా ఈ పోటీలో కూడా మిరపకాయ్ పైచేయి సాధించింది.

ఈ ఏడాది విడుదలైన వాల్తేరు వీరయ్య, వీరసింహారెడ్డి సినిమాలు సక్సెస్ సాధించినా రవితేజ కీలక పాత్రలో నటించిన వాల్తేరు వీరయ్య కలెక్షన్ల విషయంలో ముందంజలో ఉంది. దసరా పండుగకు బాలయ్య అనిల్ కాంబో మూవీ, టైగర్ నాగేశ్వరరావు రిలీజ్ కానున్న నేపథ్యంలో బాలయ్య ఈ సెంటిమెంట్ ను బ్రేక్ చేయాలని నందమూరి అభిమానులు కోరుకుంటున్నారు.

నందమూరి అభిమానుల కల ఈ సినిమాతో అయినా నెరవేరుతుందేమో చూడాల్సి ఉంది. బాలయ్య అనిల్ కాంబో మూవీ, టైగర్ నాగేశ్వరరావు మూవీ భారీ బడ్జెట్ తో తెరకెక్కగా ఈ రెండు సినిమాలు సక్సెస్ సాధించాలని న్యూట్రల్ ఫ్యాన్స్ కోరుకుంటున్నారు. బాలయ్య రవితేజ మధ్య మంచి స్నేహం ఉంది. వీళ్లిద్దరూ రాబోయే రోజుల్లో మరిన్ని సినిమాలలో కలిసి నటించాలని ఫ్యాన్స్ కోరుకుంటున్నారు.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు