ఒక హీరో కోసం రాసిన కథను మరొక హీరో ఒకే చేయడం టాలీవుడ్ లో సర్వసాధారణం. అలాంటివి విజయాన్ని కూడా సాధించాయి. తాజాగా ఆ జాబితాలో మరో స్టోరీ చేరింది. ‘పటాస్’, ‘సుప్రీమ్’ చిత్రాలను తెరకెక్కించిన అనిల్ రావిపూడి యంగ్ టైగర్ ఎన్టీఆర్ ని దృష్టిలో పెట్టుకొని ఓ అద్భుతమైన యాక్షన్ కథను సిద్ధం చేశారు. ఈ కథ తారక్ కి బాగా నచ్చింది. అయితే హీరో అంధుడిగా కొన్ని సీన్లు చేయాల్సి ఉంటుంది. అందువల్ల తన అభిమానులు ఒప్పుకోరని భావించి వద్దని చెప్పారు. ఆ కథ మాస్ మహారాజ్ రవితేజ్ వద్దకు వెళ్లింది. ఆయనకు ఈ స్టోరీ బాగా నచ్చడంతో ఒకే చెప్పారు. అంతేకాదు దిల్ రాజు నిర్మాణ సారథ్యంలో నటించడానికే అంగీకరించారు.
తన రెమ్యునరేషన్ కంటే తక్కువ ఇస్తున్నప్పటికీ కథ నచ్చడంతో ఒకే చెప్పారని ఫిలిం నగర్ వాసులు చెబుతున్నారు. హీరో, డైరక్టర్, నిర్మాత మాత్రమే కాదు. ఈ చిత్రంలో నటించే హీరోయిన్ కూడా ఖరారు అయినట్లు తెలిసింది. ‘కృష్ణగాడి వీర ప్రేమగాథ’ లో క్యూట్ గా కవ్వించిన మెహరీన్ కౌర్, రవి తేజ తో ఆడి పాడనుంది. ఈ మూవీకి ‘రాజా… ది గ్రేట్” అనే టైటిల్ ని కూడా దిల్ రాజు ఫిలిం ఛాంబర్ లో రిజిస్టర్ చేయించారని సమాచారం. ఈ క్రేజీ ప్రాజక్ట్ మార్చిలో సెట్స్ మీదకు వెళ్లనుంది.
Also, do SUBSCRIBE to our YouTube channel to get latest Tollywood updates.
