మాస్ మహారాజ రవితేజ హీరోగా త్రినాథ రావు నక్కిన దర్శకత్వం వహిస్తున్న సినిమా ‘ధమాకా’. ‘డబుల్ ఇంపాక్ట్’.. అనేది ట్యాగ్ లైన్. ఈ సినిమాలో రవితేజ డ్యూయల్ రోల్ చేస్తున్నారని సమాచారం. అవుట్ అండ్ అవుట్ ఎంటర్టైనర్గా ఎంటర్టైనర్గా ఈ సినిమాను రూపొందిస్తున్నారు. ఈ సినిమాలో ‘పెళ్లి సందడి’ సినిమాతో మంచి గుర్తింపు తెచ్చుకున్న నటి శ్రీలీల.. రవితేజ సరసన హీరోయిన్‌గా నటిస్తోంది. ఇదిలా ఉండగా.. ఇప్పుడు ఈ సినిమాకి సంబంధించిన ఓ విషయం బయటకొచ్చింది.
అదేంటంటే.. ఈ సినిమాలో కొన్ని సన్నివేశాలు సరిగ్గా రాకపోవడంతో మళ్లీ రీషూట్స్ చేశారట. ఈ మధ్యకాలంలో రీషూట్స్ అనేవి చాలా కామన్ అయిపోయాయి. రీషూట్ కోసం కూడా కొంత బడ్జెట్ కేటాయిస్తున్నారు. మొత్తం సినిమా పూర్తయిన తరువాత మళ్లీ ఒకసారి చెక్ చేసుకొని.. తప్పొప్పులను కరెక్ట్ చేసుకుంటున్నారు. ఆ విధంగా ఇంకా బెటర్ రిజల్ట్స్ ను రాబడుతున్నారు. ‘ధమాకా’ సినిమాకి కూడా రీషూట్స్ తప్పలేదట. ఈ సినిమాలో కొన్ని సన్నివేశాలను రీరైట్ చేసి..
మళ్లీ షూటింగ్ నిర్వహించినట్లు తెలుస్తోంది. దానికోసం ఓ కొత్త రైటర్ సహకారం కూడా తీసుకున్నారట. రీసెంట్ గా విడుదలై మంచి సక్సెస్ అందుకున్న ‘కార్తికేయ2’ సినిమాలో కొన్ని సన్నివేశాలకు రచనా సహకారం అందించిన రైటర్.. ‘ధమాకా’ సినిమా కోసం కూడా వర్క్ చేశారని.. ఆయన కొత్తగా రాసిన సన్నివేశాలను మళ్లీ తీశారని సమాచారం. ఇప్పుడు అవుట్ పుట్ విషయంలో రవితేజ కూడా హ్యాపీగా ఉన్నారని సమాచారం.
ఈ సినిమాను పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్స్ పై టీజీ విశ్వ ప్రసాద్, వివేక్ కూచిబొట్ల నిర్మించారు. ప్రసన్న కుమార్ బెజవాడ ఈ చిత్రానికి కథ, మాటలు అందిస్తున్నారు. భీమ్స్ సిసిరిలియో సంగీతాన్ని అందిస్తుండగా.. కార్తీక్ ఘట్టమనేని కెమెరామెన్‌గా వ్యవహరిస్తున్నారు.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
Home