Ravi Teja: రిలీజ్ దగ్గర పడుతుంటే ఇలాంటి దెబ్బ పడిందేంటి..!

ఈ సంక్రాంతికి ‘క్రాక్’‌తో మంచి హిట్ ను అందుకున్న ర‌వితేజ.. ఇప్పుడు ‘ఖిలాడీ’ అనే మంచి యాక్షన్ మూవీ కూడా చేస్తున్న సంగతి తెలిసిందే. ‘రాక్షసుడు’ ఫేమ్ ర‌మేష్ వ‌ర్మ డైరెక్షన్లో తెరకెక్కుతోన్న ఈ చిత్రాన్ని కోనేరు సత్యనారాయణ నిర్మిస్తున్నాడు. డింపుల్ హ‌య‌తీ, మీనాక్షి చౌద‌రీలు హీరోయిన్లుగా నటిస్తున్న ఈ చిత్రంలో ఉన్ని ముకుంద‌న్,అర్జున్,అన‌సూయ‌, నిఖితిన్ ధీర్, వెన్నెల కిశోర్ వంటి అగ్ర నటులు కీలక పాత్రలు పోషిస్తున్నారు. దేవీ శ్రీ ప్ర‌సాద్ సంగీత దర్శకుడు కావడం విశేషం.

ఈ మధ్యనే విడుదల చేసిన ఫస్ట్ లుక్ మరియు టీజర్ గ్లింప్స్ కు మంచి మార్కులే పడ్డాయి.మే 28న సినిమాని విడుదల చేస్తున్నట్టు కూడా ప్రకటించారు. అయితే ఊహించని విధంగా ఈ చిత్రం షూటింగ్ ఆగిపోయింది అనేది తాజా సమాచారం. వివరాల్లోకి వెళితే.. షూటింగ్ నిమిత్తం ఈ మధ్యనే ‘ఖిలాడీ’ టీం ఇటలీకి వెళ్ళారట. ఆల్రెడీ అక్కడ కొంచెం షూటింగ్ కూడా జరిపారు. కానీ కొద్దిరోజుల నుండీ ఇట‌లీలో క‌రోనా కేసులు పెరుగుతుండడంతో లాక్‌డౌన్‌ను ఏర్పాటు చేసిందట అక్కడి ప్రభుత్వం.

దీంతో ర‌వితేజ ‘ఖిలాడీ’ మూవీ షూటింగ్ కు అంతరాయం కలిగిందని తెలుస్తుంది. ఏప్రిల్ నెలాఖ‌రు వ‌ర‌కూ అక్కడే షూటింగ్‌ను నిర్వహించాలని కూడా ప్లాన్ చేశారట దర్శకనిర్మాతలు. కానీ ఇప్పుడది వీలు కాకపోవడంతో హైదరాబాద్‌కు తిరిగి వచ్చేయాలని వారు డిసైడ్ అయినట్లు తెలుస్తుంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!