మాస్ మహారాజా’ రవితేజ హీరోగా విక్రమ్ సిరికొండ దర్శకత్వంలో తెరకెక్కుతోన్న ‘టచ్ చేసి చూడు’ సినిమా షూటింగ్ వేగంగా జరుగుతోంది. బేబీ భవ్య సమర్పణలో లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి), వల్లభనేని వంశీ నిర్మిస్తున్న ఈ సినిమాకి బాలీవుడ్ మ్యూజిక్ డైరక్టర్ ప్రీతమ్ ని తీసుకున్నారు. ధూమ్, బర్ఫీ, జబ్ వుయ్ మెట్, ఒన్స్ అపానే టైం ఇన్ ముంబై, దిల్వాలే, దంగల్, యే దిల్ హై ముష్కిల్ వంటి సూపర్ హిట్ చిత్రాలకు సంగీతమందించిన ఈయన రవితేజ్ పైకి మాస్ బీట్ సాంగ్స్ ఇవ్వనున్నారు. ఈ చిత్రానికి విలన్ ని కూడా బాలీవుడ్ నుంచి దిగుమతి చేసుకున్నారు.
హాలీడే, ఫోర్స్ 2, కమెండో 2 చిత్రాల్లో నటించిన ‘ఫ్రెడ్డీ దరువాలా’ను విలన్ గా ఎంపిక చేశారు. పాండిచ్చేరి నేపథ్యంలో సాగే ఈ సినిమాలో ఫైట్స్ అదిరిపోనున్నట్లు సమాచారం. అందుకే ‘ఫ్రెడ్డీ దరువాలా’ను విక్రమ్ తీసుకున్నట్లు తెలిసింది. హీరోయిన్ గా రాశీఖన్నా నటిస్తున్న ఈ మూవీ త్వరలో విదేశాల్లో షూటింగ్ జరుపుకోనుంది. బెంగాల్ టైగర్ తర్వాత ఏడాది గ్యాప్ తీసుకుని రవితేజ చేస్తున్న ఈ చిత్రం పై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
