పవన్ కళ్యాణ్, అల్లు అర్జున్ మధ్య దూరం పెరిగిందనడానికి ఇదే ఉదాహరణ

పవర్ స్టార్ పవన్ కళ్యాణ్ తో మెగా హీరోలందరూ టచ్ లో ఉన్నా స్టైలిష్ స్టార్ అల్లు అర్జున్ మాత్రం దూరం అవుతున్నారు. సరైనోడు చిత్రం వేడుకలో “చెప్పను బ్రదర్” అంటూ పవన్ గురించి మాట్లాడడానికి నిరాకరించి తమ మధ్య దూరాన్ని చెప్పకనే చెప్పారు. అంతేకాదు పవన్ అభిమానుల నుంచి వ్యతిరేకతను ఎదుర్కొన్నారు. ఇంకా వీరిద్దరి మధ్య మాటలు లేవని ఓ విషయం నిరూపించింది. పవన్ కళ్యాణ్ తాజా చిత్రం కాటమరాయుడు టీజర్ శనివారం విడుదలై రికార్డు సృష్టించింది. 57 గంటల్లో 5 మిలియన్ వ్యూస్ రాబట్టి సౌత్ ఇండియన్ చిత్రాల్లో అత్యధిక వ్యూస్ రాబట్టిన టీజర్ లో రెండో స్థానాన్ని కైవసం చేసుకుంది. ఈ టీజర్ రిలీజ్ అయినప్పుడే మెగా ప్రిన్స్ వరుణ్ తేజ్ “రాయుడో…” అంటూ ట్విట్టర్లో ఆనందాన్ని వ్యక్తం చేశారు.

అలాగే సాయి ధరమ్ తేజ్ కూడా ” ఎప్పుడు వచ్చాడు అన్నది ముఖ్యం కాదు… రికార్డ్స్ బద్దలు కొట్టామా  లేదా అనేదే ముఖ్యం” అంటూ ట్వీట్ చేశారు. ఇలా వీరందరూ స్పందిస్తే సోషల్ మీడియాలో చురుకుగా ఉండే అల్లుఅర్జున్ మాత్రం కనీసం శుభాకాంక్షలు కూడా చెప్పలేదు. పవన్ కళ్యాణ్, అల్లు అర్జున్ మధ్య దూరం పెరిగిందనడానికి ఇదే ఉదాహరణ అంటూ పవర్ స్టార్ అభిమానులు నిర్ణయానికి వచ్చారు. అందుకే ఇక నుంచి బన్నీ చిత్రాలను చూడమని ట్విట్టర్లో స్పష్టం చేస్తున్నారు. దీనిపై అల్లు అర్జున్ ఏ విధంగా స్పందిస్తారో చూడాలి.

Also, do SUBSCRIBE to our YouTube channel to get latest Tollywood updates.