కీర్తి సురేష్ దూకుడికి కారణం ఆవిడేనా ?!

ప్రచారం లేకుండా దేవుడ్ని సైతం పట్టించుకోని రోజులివి, అలాంటిది ఎటువంటి సపోర్ట్ లేకుండానే ఒక హీరో లేదా హీరోయిన్ వరుస అవకాశాలు దక్కించుకోవడం అనేది జరగని పని. కానీ, ఇటీవల కాలంలో మలయాళ ముద్దుగుమ్మ కీర్తి సురేష్ సూపర్ స్టార్ హీరోల సరసన వరుస అవకాశాలు సొంతం చేసుకొని అందర్నీ ఆశ్చర్యపరిచింది. ముఖ్యంగా.. విజయ్, పవన్ కళ్యాణ్ వంటి స్టార్ హీరోలతో గ్యాప్ లేకుండా రొమాన్స్ చేసేందుకు సిద్ధమైపోవడం ఇండస్ట్రీలో చర్చనీయాంశం అయ్యింది. నిన్నమొన్నటివరకూ కనీస స్థాయి గుర్తింపు కూడా లేని ఈ అమ్మాయికి ఇలా వరుసబెట్టి అవకాశాలు ఎలా వెల్లువెత్తుతున్నాయా అని షాక్ అయిపోయారు.

అయితే.. ఇదంతా కేవలం కీర్తి సురేష్ టాలెంటో లేక అమ్మడికి అదృష్టం కలిసొచ్చో కాదు. ఆమె తల్లి మరియు మాజీ హీరోయిన్ మేనక అని తెలిసింది. అప్పట్లో మలయాళ చిత్ర పరిశ్రమతోపాటు తమిళ సీమను సైతం తన అందాలతో ఏలిన నిన్నటితరం కథానాయకి మేనక తెలుగులోనూ చిరంజీవి నటించిన “పున్నమి నాగు” చిత్రంలో ఓ ముఖ్యపాత్ర పోషించింది. అప్పట్లో తనతో నటించిన చాలా మంది హీరోల కొడుకులే ఇప్పుడు హీరోలుగా రాణిస్తుండడం, అప్పట్నుంచి ఇప్పటివరకూ నిర్మాతలతో సత్సంబంధాలు మెయింటైన్ చేయడం వంటి విషయాల కారణంగా తన ముద్దుల కూతురు కీర్తి సురేష్ కు వరుస అవకాశాలు ఇప్పించగలుగుతుంది. అందుకే కీర్తి సురేష్ పెద్ద పెర్ఫార్మర్ కాకపోయినా.. వరుసగా సినిమా అవకాశాలు దక్కించుకోగలుగుతుందన్నమాట!

Also, do SUBSCRIBE to our YouTube channel to get latest Tollywood updates.