సినిమా అంటే చాలు రాజమౌళి అంతా మరిచిపోతారు. చిన్న హీరో, పెద్ద హీరో అని లేకుండా ప్రతి ఒక్కరి సినిమా చూస్తుంటారు. అటువంటిది చిత్రోత్సవానికి పిలుపు వస్తే.. షూటింగ్ జరుగుతున్నా వెళ్తారు. అయితే గతవారం బెంగళూరులో ఇంటర్నేషన్ ఫిల్మ్ ఫెస్టివల్ జరిగింది. ఇందుకు రమ్మని కర్ణాటక చలన చిత్ర అకాడమీ రాజమౌళిని ప్రత్యేకంగా పిలిచింది. అందుకు రాజమౌళి వెళ్ళలేదు.. దీంతో రాజమౌళిపై కన్నడిగులు ఆగ్రహం వ్యక్తం చేశారు. ముందుగా ఇతరులకు ఇచ్చిన మాట ప్రకారం.. ఆ కార్యక్రమాలతోనే తాను ఫెస్టివెల్ కి వెళ్లలేకపోతున్నట్లు చెప్పి జక్కన్న సైలెంట్ అయిపోయారు.
అయితే అసలు కారణం అది కాదంట. టాలీవుడ్ వర్గాలు తెలిపిన సమాచారం ప్రకారం… “బాహుబలి 2 “ని కన్నడంలో డబ్‌ చేయడానికి రాజమౌళి అడిగితే కన్నడిగులు, కర్ణాటక చలన చిత్ర అకాడమీ అంగీకరించలేదు. డబ్‌ చేయనివ్వమని వారు మొండి పట్టు పట్టడంతో ఈ సినిమా తమిళం, హిందీ వెర్షన్లు మాత్రమే డబ్‌ చేశారు. అప్పుడు సంఘటనను రాజమౌళి మనసులో పెట్టుకొని ఆ కార్యక్రమానికి వెళ్లలేదని ఫిలిం నగర్ వాసులు చెప్పారు. మరి రాజమౌళి మనసులో ఏముందో ఆ ఈశ్వరుడికే తెలియాలి. ప్రస్తుతం జక్కన్న.. ఎన్టీఆర్, రామ్ చరణ్ మల్టీ స్టారర్ సినిమాకోసం స్క్రిప్ట్ ని సిద్ధం చేసే పనిలో బిజీగా ఉన్నారు.
