గీత గోవిందం సినిమాని అల్లు అర్జున్ ఎందుకు వదులుకున్నారు ?

శ్రీరస్తు శుభమస్తు సినిమాతో మంచి మార్కులు అందుకున్న పరశురామ్ దర్శకత్వంలో రూపుదిద్దుకున్న మూవీ “గీత గోవిందం”. విజయ్ దేవరకొండ, రష్మిక మందన హీరో హీరోయిన్లుగా నటించిన ఈ సినిమా ఫస్ట్ లుక్ నుంచి ఆకట్టుకుంటోంది. టీజర్ తో పాటు సాంగ్స్ కి విపరీతమైన రెస్పాన్స్ వచ్చింది. విజయ్ దేవరకొండ మరో విజయాన్ని సొంతం చేసుకునేలా ఉన్నారని సినీ విశ్లేషకులు అంచనావేస్తున్నారు. ఇతని గత హిట్ మూవీ అర్జున్ రెడ్డి కథ ముందుగా అల్లు అర్జున్ వద్దకి వెళ్లిన సంగతి తెలిసిందే. అలాగే ఈ కథ కూడా బన్నీ వద్దకే మొదట వెళ్లిందని తెలిసింది. ఈ విషయాన్ని “గీత గోవిందం” వేడుకలో అల్లు అర్జున్ స్వయంగా చెప్పారు.

“ఈ కథ అల్లు అర్జున్ కి భలే నచ్చిందట. అయితే కొన్ని కారణాల వలన తాను ఈ సినిమా వదులుకున్నట్టు వివరించారు. అందులో ప్రధాన కారణం హీరోయిన్. ఈ కథలో నటించమని చాలామందిని అల్లుఅర్జున్ అడిగారంటా. ఆ రోల్ విన్న చాలామంది నో చెప్పారని బన్నీ చెప్పారు. అలా హీరోయిన్ వెతుకులాటలోనే మూడు నెలలలు గడిచిపోయిందని వివరించారు. చివరికి కన్నడ బ్యూటీ రష్మిక మందన ఒకే చెప్పడంతో ప్రాజక్ట్ పట్టాలెక్కింది. గీతా ఆర్ట్స్ 2 బ్యానర్ పై బన్నీ వాసు నిర్మించిన ఈ మూవీ ఆగస్టు 15న థియేటర్లోకి రానుంది.