ముచ్చటగా మూడోసారి తమన్నా కావాలి అంటున్న సంపత్ నంది!

తమన్నా లక్ బాలేదు అని జనాలు అనుకొంటున్న ప్రతిసారీ ఏదో ఒకలా ఒక క్రేజీ సినిమా ఆఫర్ ను దక్కించుకొని తన ఉనికిని ఘనంగా చాటుకొంటూ ఉంటుంది. తన బెస్ట్ ఫ్రెండ్ అయిన సంపత్ నంది కారణంగా మరోసారి వార్తల్లో నిలిచింది మిల్క్ వైట్ బ్యూటీ. “గౌతమ్ నంద” అనంతరం గోపీచంద్ హీరోగా మరో సినిమా ఎనౌన్స్ చేసిన సంపత్ నంది ఈ చిత్రంలో పట్టుబట్టి మరీ తమన్నాను కథానాయికగా ఎంపిక చేయించుకొన్నాడు. సంపత్ నంది దర్శకత్వంలో తెరకెక్కిన “రచ్చ, బెంగాల్ టైగర్” సినిమాల్లో తమన్నా కథానాయికగా నటించింది. ఇది వీళ్ళద్దారి కాంబినేషన్లో తెరేకెక్కనున్న మూడో సినిమా.

ఇకపోతే.. “చాణక్య” సినిమా మీద చాలా నమ్మకంగా ఉన్న గోపీచంద్.. ఆ సినిమాతో కమర్షియల్ హిట్ సొంతం చేసుకోవాలని ప్లాన్ చేస్తున్నాడు. అందుకే.. ఆ సినిమా ప్రమోషన్స్ ను కాస్త గట్టిగా చేయనున్నాడు. అక్టోబర్ 5న విడుదలవ్వనున్న “చాణక్య”తో ఏకంగా మెగాస్టార్ తో క్లాష్ కి సిద్ధమయ్యాడు గోపీచంద్. మరి రిజల్ట్ ఏమవుతుంది అనేది తెలియాలంటే అప్పటివరకూ వేచి చూడాల్సిందే.

గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
బందోబస్త్ సినిమా రివ్యూ కోసం ఇక్కడ క్లిక్ చెయ్యండి