ప్రభాస్ హీరోగా లారెన్స్ డైరెక్షన్ లో తెరకెక్కిన రెబల్ సినిమా 2012 సంవత్సరం సెప్టెంబర్ 28వ తేదీన థియేటర్లలో విడుదలైంది. ప్రభాస్ కు జోడీగా తమన్నా ఈ సినిమాలో నటించగా కృష్ణంరాజు కీలక పాత్రలో నటించారు. అయితే త్వరలో రెబల్ మూవీ రీరిలీజ్ కానుందని తెలుస్తోంది. ఈ నెల 23వ తేదీన ప్రభాస్ పుట్టినరోజు కాగా రెబల్ మూవీ అక్టోబర్ 15వ తేదీన రీరిలీజ్ కానుందని తెలుస్తోంది. నట్టికుమార్ ఈ సినిమాను రీరిలీజ్ చేయడానికి ఆసక్తి చూపిస్తున్నారు.
రెబల్ సినిమా రిలీజైన సమయంలో అన్ని వర్గాల ప్రేక్షకులకు నచ్చకపోయినా ప్రభాస్ అభిమానులకు మాత్రం తెగ నచ్చింది. భగవాన్, పుల్లారావు ఈ సినిమాను నిర్మించడం గమనార్హం. ప్రభాస్ బర్త్ డేకు రీరిలీజ్ కానున్న ఈ సినిమా ఏ రేంజ్ లో కలెక్షన్లను సొంతం చేసుకుంటుందో చూడాల్సి ఉంది. రెబల్ సినిమా రీరిలీజ్ లో కూడా కళ్లు చెదిరే స్థాయిలో కలెక్షన్లను సొంతం చేసుకోవాలని అభిమానులు కోరుకుంటున్నారు. మరోవైపు ప్రభాస్ నటించిన ఆదిపురుష్ టీజర్ గురించి సోషల్ మీడియా వేదికగా చర్చ జరుగుతోంది.
కొంతమంది ఈ సినిమా టీజర్ బాగుందని కామెంట్లు చేస్తుండగా మరి కొందరు ఈ సినిమా టీజర్ గురించి నెగిటివ్ కామెంట్లు చేస్తున్నారు. దర్శకుడు ఓం రౌత్ ఈ సినిమా టీజర్ విషయంలో కనీస జాగ్రత్తలు కూడా తీసుకోలేదని కామెంట్లు వ్యక్తమవుతున్నాయి. 2023 సంవత్సరం సంక్రాంతి కానుకగా ఈ సినిమా రిలీజ్ కానుంది.
స్టార్ హీరో ప్రభాస్ నటించి సంక్రాంతికి విడుదలైన పలు సినిమాలు బ్లాక్ బస్టర్ హిట్లుగా నిలిచాయి. ఆదిపురుష్ కూడా ఆ సెంటిమెంట్ ను రిపీట్ చేయాలని ఫ్యాన్స్ కోరుకుంటున్నారు. మోషన్ క్యాప్చర్ టెక్నాలజీలో తెరకెక్కిన ఈ సినిమా ఏ రేంజ్ లో ప్రేక్షకులను మెప్పిస్తుందో చూడాల్సి ఉంది. ఆదిపురుష్ 500 కోట్ల రూపాయల బడ్జెట్ తో తెరకెక్కిన నేపథ్యంలో నెగిటివ్ ప్రచారం వల్ల ఈ సినిమా మేకర్స్ సైతం ఒకింత టెన్షన్ పడుతున్నారు.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home