‘బాహుబలి 3’ సినిమాకు ఓ వైపు ప్లాన్‌ జరుగుతోంది అంటూ పుకార్లు వస్తున్న సమయంలో ‘బాహుబలి 2’ ఏంటి అనే డౌట్ వచ్చిందా? ఇక్కడ ‘బాహుబలి 2’ అంటే ఆ సినిమా అని కాదు.. ఆ సినిమా సమయంలో జరిగిన ఓ కాన్సెప్ట్‌ గురించి అన్నమాట. ప్రభాస్‌ చేతిలో ఇప్పుడు చాలా సినిమాలున్నాయి. వాటిలో ఒకటి విడుదలకు సిద్ధంగా ఉంది. ‘ఆదిపురుష్’ సినిమాను వచ్చే నెల 16న విడుదల చేయబోతున్నారు. ఈ నేపథ్యంలో ఆయన సినిమాతోపాటు ‘సలార్’ను కూడా తీసుకురావాలని ఫ్యాన్స్‌ కోరుతున్నారు.
అదెలా సాధ్యం అనుకుంటున్నారా? ఇక్కడ ‘సలార్’ను తీసుకురావడం అంటే.. ఆ సినిమా టీజర్‌ను తీసుకురమ్మని. గతంలో ‘బాహుబలి 2’ సినిమా సమయంలో ఇలానే ‘సాహో’ టీజర్‌ను రిలీజ్‌ చేసి షాక్‌ ఇచ్చింది టీమ్‌. ఇప్పుడు అదే రీతిలో ‘ఆదిపురుష్’ సినిమాకు ముందు కానీ, ఇంటర్వెల్‌లో కానీ ‘సలార్’ సినిమా టీజర్‌ను పెడితే బాగుంటుంది అని టీమ్‌ను ఫ్యాన్స్‌ సోషల్‌ మీడియాలో వేదికగా రిక్వెస్ట్‌ చేస్తున్నారు. అయితే గతంలోనూ ఇలాంటి రిక్వెస్ట్‌లు వచ్చినా టీమ్‌ పెద్దగా పట్టించుకోలేదు. మరిప్పుడు ఏం చేస్తుందో చూడాలి.
నిజానికి ప్రభాస్‌ (Prabhas) ఫ్యాన్స్‌ బాగా వెయిట్‌ చేస్తున్న సినిమా ‘సలార్’ అని చెప్పాలి. ఆ సినిమా దర్శకుడు ప్రశాంత్‌ నీల్‌ మీద ఉన్న నమ్మకం అలాంటిది మరి. భారీ మాస్ యాక్షన్ ఎంటర్ టైనర్‌గా ఈ సినిమా రూపొందుతుండటంతో నమ్మకాలు చాలానే ఉన్నాయి. ఈలోపు ‘ఆదిపురుష్’ మీద నెగిటివిటీ రావడంతో ‘సలార్’ మీద నమ్మకం ఇంకా పెరిగింది. ఆ మాటకొస్తే ఆశలు కూడా పెరిగాయి. దీంతో ‘ఆదిపురుష్’తోపాటు ‘సలార్’ను తీసుకురమ్మని అడుగుతున్నారు.
దీనికి మరో కారణం కూడా ఉంది. అదే ‘సలార్’ టీమ్‌ నుండి ఎలాంటి సమాచారం రావడం లేదు. పోస్టర్లు తప్ప ఇంకేం లేవు. ప్రభాస్‌ లుక్‌, యాటిట్యూడ్‌, డైలాగ్‌లతో కలిపి ఓ వీడియో రిలీజ్‌ చేయండి అంటూ చాలా రోజులుగా ఫ్యాన్స్‌ రిక్వెస్ట్‌ చేస్తున్నారు. ఈ నేపథ్యంలో ఇప్పటికైనా ‘సలార్’ టీమ్‌ ముందుకొస్తుందేమో చూడాలి.
కస్టడీ సినిమా రివ్యూ & రేటింగ్!
ది స్టోరీ ఆఫ్ ఏ బ్యూటీఫుల్ గర్ల్ సినిమా రివ్యూ & రేటింగ్!
భీమ్లా ని కొట్టలేకపోయిన ఆదిపురుష్ ట్రైలర్.. అతి తక్కువ టైంలో 100K లైక్స్ కొట్టిన తెలుగు ట్రైలర్లు!
కమల్ హాసన్ ‘హే రామ్’ తో పాటు ఇండియాలో బ్యాన్ చేసిన సినిమాల లిస్ట్..!
