టాలీవుడ్ లో యంగ్ హీరోల సరసన పలు విజయవంతమైన సినిమాల్లో నటించి మంచి క్రేజ్ సంపాదించుకుంది రెజీనా. అంతేకాదు గతంలో యంగ్ హీరోలయిన సాయి తేజ్, సందీప్ కిషన్ లతో ప్రేమాయణం నడిపిందనే ప్రచారం కూడా జరిగింది. అయితే ‘ఆ ప్రచారంలో నిజం లేదని.. మా మధ్యన ఉన్నది మంచి స్నేహం మాత్రమేనని’ ఆ వార్తలని కొట్టిపారేసింది. ఇదిలా ఉండగా.. ఇటీవల ఈమె రహస్యంగా నిశ్చితార్ధం చేసుకుందని కోలీవుడ్ లో ప్రచారం సాగుతోంది. తమిళనాడుకి చెందిన ఓ నేషనల్ మ్యాగజైన్ రెజీనా నిశ్చితార్ధం గురించి వార్తలు రాసుకురావడంతో.. ఈ న్యూస్ కాస్త వైరల్ అయింది.
‘జూన్ 13న చెన్నైలో తన కుటుంబ సభ్యులు, సన్నిహితుల సమక్షంలో రెజీనా నిశ్చితార్ధం జరిగిందని. ఈ విషయాన్ని ప్రస్తుతానికి రహస్యంగా ఉంచిందని.. ఈ ఏడాది చివర్లో పెళ్ళి కాబోతుంది కాబట్టి ఈలోపే తాను అంగీకరించిన సినిమాల్ని త్వరగా పూర్తి చేయాలని’ రేజీనా డిసైడ్ అయినట్టు కూడా టాక్ వినిపించింది. ఈ వార్తలు సోషల్ మీడియాలో తెగ వైరల్ అవ్వడంతో ఎట్టకేలకు రెజీనా స్పందించింది. “ఈ వార్తల్లో ఎంతమాత్రం నిజం లేదు. అసలు ఇలాంటి వార్తలు ఎక్కడ నుండీ పుట్టుకొస్తాయో కూడ అర్ధం కావడంలేదు. ఇలాంటివి విన్నప్పుడు చాలా చిరాకేస్తుంది. నాకు నిజంగా పెళ్ళి చేసుకోవాలనే ఆలోచన వస్తే స్వయంగా నేనే ప్రకటిస్తాను అంటూ చెప్పుకొచ్చింది రెజీనా.
