టీజర్ విడుదలైన సంవత్సరానికి ట్రైలర్ విడుదల చేస్తున్నారట?

మెగా అభిమానులంతా ఎప్పుడెప్పుడా అని ఎదురుచూస్తున్న చిత్రం ‘సైరా నరసింహారెడ్డి’. సురేందర్ రెడ్డి డైరెక్షన్లో తెరకెక్కుతున్న ఈ హిస్టారికల్ చిత్రాన్ని మెగా పవర్ స్టార్ రాంచరణ్ నిర్మిస్తున్నాడు. మెగాస్టార్ 151 వ చిత్రం కావడం.. అందులోనూ 300 కోట్ల భారీ బడ్జెట్ తో తెరకెక్కుతున్న ఈ చిత్రం నుండీ ఇప్పటి వరకూ పెద్దగా అప్డేట్స్ రాకపోవడంతో అభిమానులు కాస్త నిరాశ చెందారు. మొన్నటికి మొన్న తనికెళ్ళ భరణి, తమన్నా ఈ చిత్రం గురించి కొన్ని విషయాలు చెప్పడంతో అభిమానులు సంబరపడిపోయారు.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

అందుతున్న సమాచారం ప్రకారం.. ‘సైరా’ షూటింగ్ చివరి దశకు చేరుకుందట. ఈ షెడ్యూల్ పూర్తికాగానే పోస్ట్ ప్రొడక్షన్ కార్యక్రమాల పై దృష్టిపెడతారని సమాచారం. దసరా కానుకగా అక్టోబర్‌లో ఈ చిత్రాన్ని విడుదల చేయడానికి ప్లాన్ చేస్తున్నారు. ఆగస్ట్ 22న మెగాస్టార్ చిరంజీవి పుట్టినరోజు సందర్భంగా ‘సైరా’ ట్రైలర్ విడుదల చేయాలని చిత్ర యూనిట్ ప్లాన్ చేసారు. గత ఏడాది చిరంజీవి పుట్టినరోజు సందర్భంగా టీజర్ ను విడుదల చేసారు. మళ్ళీ సంవత్సరం తరువాత ట్రైలర్ ను విడుదల చేస్తున్నారు.