కరోనా లాక్ డౌన్ కారణంగా చాలా మంది హీరోల సినిమాల షూటింగులు డిలే అయ్యాయి. అంతా సెట్ అయిన తర్వాత రిలీజ్ చేసుకోవడానికి సరైన రిలీజ్ డేట్లు దొరకడం లేదు. ఒకే రోజు క్రేజ్ ఉన్న సినిమాలు రిలీజ్ అయితే జనాల పై ఒత్తిడి పెరిగినట్టు అవుతుంది. మామూలుగానే జనాలు థియేటర్లకి రావడం తగ్గించారు. ఇప్పుడు రెండేసి సినిమాలు రిలీజ్ అయితే వాళ్ళు రావాలనుకున్న సినిమాలకు మానేసే ప్రమాదం ఉంది.
దీంతో ఇంకో సినిమాతో పోటీకి దిగడం కంటే వాయిదా వేసుకోవడమే బెటర్ అనే ఆలోచన కొందరి నిర్మాతల్లో ఉంది.అందుకే కొంతమంది హీరోల సినిమాలు వాయిదా పడాల్సి వస్తుంది. ఈ లిస్ట్ లో నిఖిల్ ముందున్నాడు అని చెప్పాలి. పాండమిక్ తర్వాత చాలా వరకు హీరోల సినిమాలు రిలీజ్ అయ్యాయి. నిఖిల్ సినిమా ఇంకా రిలీజ్ కాలేదు. ‘కార్తికేయ 2’ చిత్రాన్ని ఈ నెల 22న విడుదల చేయాలనుకున్నారు.. కానీ దిల్ రాజు నిర్మించిన ‘థాంక్యూ’ అదే రోజున రిలీజ్ అవుతుండడంతో ‘కార్తికేయ2’ టీం వెనక్కి వెళ్లారు.
ఆగస్టు మొదటి వారంలో ‘కార్తికేయ2’ రిలీజ్ అవుతుంది అంటున్నారు. కానీ అది కుదిరేలా లేదు. ఇక నిఖిల్ ‘గీతా ఆర్ట్స్’ సెకండ్ బ్యానర్ అయిన ‘జి ఎ 2 పిక్చర్స్’ లో చేసిన ’18-పేజెస్’ మూవీ చాలా రోజుల క్రితమే షూటింగ్ కంప్లీట్ చేసుకుంది. కానీ ఇంకా రిలీజ్ కాలేదు. ఒకానొక సమయంలో ఈ మూవీ నేరుగా ఓటీటీలో రిలీజ్ అవుతుంది అన్నారు. కానీ అలాంటిదేమి జరగలేదు. సెప్టెంబర్ 10న థియేటర్లలో రిలీజ్ అంటున్నారు.
ఆ డేట్ కైనా వస్తుందో లేదో చూడాలి. ఇక నిఖిల్ హీరోగా నటిస్తున్న మరో మూవీ ‘స్పై’. దసరా కానుకగా ఈ చిత్రం విడుదలవుతుంది అంటున్నారు. కానీ దసరాకి ‘గాడ్ ఫాదర్’ ‘ఘోస్ట్’ వంటి పెద్ద సినిమాలు రిలీజ్ అవుతున్నాయి. కాబట్టి ఆ మూవీ కూడా అనుకున్న టైంకి రావడం కష్టంగానే కనిపిస్తుంది.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
