‘పొన్నియిన్‌ సెల్వన్‌’ ఏ పాత్రలో ఎవరంటే?

‘పొన్నియిన్‌ సెల్వన్‌ 1’.. ఇప్పుడు దక్షిణాది మొత్తం ఈ సినిమా గురించే మాట్లాడుతోంది. మణిరత్నం తెరకెక్కంచిన ఈ సినిమా ఈ నెల 30న విడుదలవుతోంది. మణిరత్నం కలల ప్రాజెక్టు అయిన ఈ సినిమాతమిళ, తెలుగు, కన్నడ, మలయాళ, హిందీ భాషల్లో విడుదల చేస్తున్నారు. చోళుల ఇతివృత్తంగా కల్కి కృష్ణమూర్తి రచించిన ‘పొన్నియిన్‌ సెల్వన్‌’ నవల ఆధారంగా దీనిని తెరకెక్కించారు. విక్రమ్‌, కార్తి, జయం రవి, ఐశ్వర్యరాయ్‌, త్రిష తదితరులు నటిస్తున్నారు.

* చోళ సామ్రాజ్యానికి రాజు సుందర చోళుడు. ఆయనకు ముగ్గురు బిడ్డలు. ‘పొన్నియిన్‌ సెల్వన్‌’లో సుందర చోళుడి పాత్రను ప్రకాశ్‌రాజ్‌ పోషిస్తున్నారు. ఈ సినిమా కోసం ప్రకాశ్‌రాజ్‌ రూ. కోటి తీసుకుంటున్నారట.

* సుందర చోళుడి పెద్ద కుమారుడు చోళ సామ్రాజ్యపు యువరాజు ఆదిత్య కరికాలుడు. ఈ సినిమాలో ఆదిత్య కరికాలన్‌గా విక్రమ్‌ కనిపిస్తున్నాడు. ఈ సినిమా కోసం ఆయన రూ. 12 కోట్లు తీసుకున్నారని టాక్‌.

* రాజకుమారి కుందవై పాత్రలో త్రిష నటిస్తున్నారు. ఈమెకు రూ. 2.5 కోట్లు ఇచ్చారట.

* సుందర చోళుడి చిన్న కుమారుడు అరుళ్‌మోళి వర్మన్‌. ఇతడినే ‘పొన్నియిన్‌ సెల్వన్‌’ అని కూడా పిలుస్తారు. అరుళ్‌మోళి వర్మన్‌గా జయం రవి కనిపించనున్నాడు. ఈయన రెమ్యూనరేషన్‌ రూ. 8 కోట్లు అని సమాచారం.

* ఆదిత్య కరికాలన్‌కు అత్యంత నమ్మకస్తుడైన స్నేహితుడు వల్లవరాయన్‌ వందిదేవన్‌. ఈ పాత్రలో కార్తి నటిస్తున్నాడు. దీని కోసం కార్తి రూ. 5 కోట్లు అందుకున్నారట.

* పొన్నియిన్‌ సెల్వన్‌ ప్రపంచంలో ప్రతినాయిక ఛాయలున్న పాత్ర నందిని. ఈ పాత్రను ఐశ్వర్యరాయ్‌ చేస్తున్నారు. ఈ పాత్రకు ఆమెకు రూ. 10 కోట్లు ఇచ్చారట.

* పూంగుళలిగా ఐశ్వర్యా లక్ష్మీ నటించింది. పడవ నడిపే యువతిగా కనిపించే ఈమె రూ. 1.5 కోట్లు అందుకుంటోందట.

* చోళ సామ్రాజ్యానికి కోశాధికారి పెరియ పళవేట్టురాయర్‌. పెరియ పళవేట్టురాయర్‌గా శరత్‌కుమార్ కనిపించనున్నారు. తంజావూరు కోటకు సేనాధిపతి చిన పళవేట్టురాయర్‌. ఈ పాత్రలో ఆర్‌.పార్తిబన్‌ నటించారు. చోళ సామ్రాజ్యపు గూఢచారి ఆళ్వార్‌ కడియాన్‌ నంబి. ఈ పాత్రలో జయరామ్‌ కనిపించనున్నారు.

కృష్ణ వృంద విహారి సినిమా రివ్యూ & రేటింగ్!

Most Recommended Video

అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!