పవర్ స్టార్ పవన్ కళ్యాణ్, రేణుదేశాయ్ కలిసి నటించిన చిత్రం ‘బద్రి’. ఈ సినిమా విడుదలైన 21 ఏళ్లు అవుతుంది. పూరి జగన్నాథ్ రూపొందించిన ఈ సినిమా అప్పట్లో భారీ విజయాన్ని అందుకుంది. ఇందులో అమీషా పటేల్ మరో హీరోయిన్ గా నటించగా.. ప్రకాష్ రాజ్ కీలక పాత్ర పోషించారు. ‘బద్రి’ సినిమా విడుదలై నేటికి 21 ఏళ్లు పూర్తయిన సందర్భంగా.. రేణు దేశాయ్ తన ఇన్స్టాగ్రామ్ లో ఓ మెమరీ షేర్ చేసుకుంది. ఈ సినిమాలో ‘హే చికితా’ అనే పాట బాగా పాపులర్ అయింది.
ఇప్పటికీ ఆ పాట వినిపిస్తూనే ఉంటుంది. ఈ పాటకి సంబంధించిన ఓ ఫోటోను రేణు షేర్ చేసుకుంది. ఇందులో పవన్ కళ్యాణ్ తుపాకీ పట్టుకొని ఉండగా.. రేణుదేశాయ్ తన ముఖాన్నీ చున్నీతో కప్పుకుంది. ఎండ నుండి తప్పించుకోవడానికి తన చున్నీనే సన్ స్క్రీన్ గా ఉపయోగించినట్లు ఫన్నీ కామెంట్ పెట్టింది. ఈ సినిమాతోనే రేణుదేశాయ్ హీరోయిన్ గా పరిచయమైంది. ‘బద్రి’ షూటింగ్ సమయంలోనే పవన్, రేణుల మధ్య ఏర్పడిన స్నేహం ప్రేమగా మారింది.
ఆ తరువాత కొంతకాలం పాటు సహజీవనం చేసిన ఈ జంట పెద్దల అంగీకారంతో పెళ్లి చేసుకున్నారు. వీరిద్దరికీ అకీరా, ఆధ్య అనే ఇద్దరు పిల్లలు కూడా ఉన్నారు. కానీ పెళ్లైన కొన్నేళ్లకే ఈ జంట విడాకులు తీసుకుంది. ఆ తరువాత పవన్ అన్నా లెజెనోవాని పెళ్లి చేసుకోగా.. రేణుదేశాయ్ కి ఓ వ్యాపారవేత్తతో నిశ్చితార్ధం జరిగింది. అయితే పెళ్లి ఎప్పుడు ఉంటుందనే విషయంలో మాత్రం రేణు ఎలాంటి ప్రకటన చేయలేదు!
1
2
3
4
5
6
7
8
9
10
11
12
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
