హారర్‌, థ్రిల్లర్‌ కథలు రాయడానికి స్పెషలిస్ట్‌ ఎవరు అంటే… యండమూరి వీరేంద్రనాథ్‌ అని ఠక్కున చెప్పొచ్చు. మరి అలాంటి కథలను సినిమాగా మల్చాలంటే ఎవరు స్పెషలిస్ట్‌ అంటే… ఇంకెవరు మన రామ్‌గోపాల్‌ వర్మ అని చెబుతారు. అలాంటి ఇద్దరూ కలసి ఓ సినిమా చేస్తే… అదిరిపోతుంది కదూ. ఇప్పుడు అదే జరుగుతోంది. అవును టాలీవుడ్‌లో ఎవరూ ఊహించని కాంబినేషన్‌ సెట్ అయ్యింది. త్వరలో ఈ సినిమా స్టార్ట్‌ అవుతుందట. యండమూరి వీరేంద్రనాథ్‌ ఇటీవల ‘తులసితీర్థం’ పేరుతో ఓ నవల రాశారు.
గతంలో ఆయన నుండే వచ్చిన ‘తులసిదళం’ నవలకు ఇది కొనసాగింపు. దీనికి కూడా పాఠకుల నుండి మంచి స్పందన వచ్చింది. దీంతో ఈ నవలను సినిమాగా తీసుకురావాలని నిర్మాత తుమల్లపల్లి రామసత్యనారాయణ అనుకున్నారు. వెంటేనే తన భీమవరం టాకీస్‌ పతాకంపై ఈ సినిమాను రూపొందించాలని సిద్ధమయ్యారు. ఇటీవల ఈ సినిమాకు సంబంధించిన పోస్టర్‌ను లాంచ్ చేశారు. త్వరలోనే సినిమా సెట్స్‌పైకి వెళ్తుందని ఈ సందర్భంగా నిర్మాత తెలిపారు. వర్మ సినిమా అంటే ఎక్కువ రోజులేం పట్టదు.
కాలెండర్‌లో నెల కాగితం తిప్పేలోపు కూడా ఆయన సినిమాలు పూర్తి చేసిన సందర్భాలున్నాయి. మరి ఈ సినిమా ఎప్పుడొస్తుందో చూడాలి. అన్నట్లు వర్మ నుండి ఓ ప్లానింగ్‌ సినిమా వచ్చి చాలా రోజులైంది. ఈ నేపథ్యంలో ‘తులసి తీర్థం’ ఎలా ఉంటుందో చూడాలి.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
Home