తాతకు తగ్గ మనవడు ఎన్టీఆరే : వర్మ

‘లక్ష్మీస్ ఎన్టీఆర్’ చిత్రం విడుదల అడ్డుకున్నాడనో మరేమో కానీ చంద్రబాబు పై వర్మ చాలా పాగా పెట్టేసుకున్నట్టు కనిపిస్తుంది. 2019 ఏపీ ఎన్నికల ఫలితాల్లో చిత్తుగా ఓడిన టీడీపీ ని ఉద్దేశిస్తూ వర్మ చేసిన ట్రోల్స్ తెగ వైరలయిన సంగతి తెలిసిందే. ‘చంద్రబాబు సారధ్యంలో టీడీపీ కి మనుగడ లేదని, టీడీపీ బాధ్యతలు ఎన్టీఆర్ తీసుకోవాలంటూ’ చేసిన కామెంట్స్ కూడా సంచలనం సృష్టించాయి.

• సీత సినిమా రివ్యూ కోసం ఇక్కడ క్లిక్ చెయ్యండి
• లిసా సినిమా రివ్యూ కోసం ఇక్కడ క్లిక్ చెయ్యండి
• ఎబిసిడి సినిమా రివ్యూ కోసం ఇక్కడ క్లిక్ చెయ్యండి
• మహర్షి సినిమా రివ్యూ కోసం ఇక్కడ క్లిక్ చెయ్యండి

‘బాలయ్యలా కాకుండా టీడీపీ సారధ్య బాధ్యతలు తీసుకొని విజయపథంలో నడిపి నీవు తాతకు తగ్గ మనవడివనిపించుకోవాలంటూ’ సంచలన కామెంట్స్ చేశాడు. ఇప్పుడు మరో అడుగు ముందుకేసి… ‘ఆంధ్రులు మొత్తం టీడీపీ కి నాయకుడిగా ఎన్టీఆర్ నే కావాలనుకుంటున్నారు, కావాలంటే ఈ ఆధారం చూసుకోండి’.. అంటూ తన ట్విట్టర్ లో వర్మ నిర్వహించిన పోల్ ఫలితాలను పోస్ట్ చేశాడు.

‘ఎన్టీఆర్ నేతృత్వం లోని టీడీపీ విజయపథంలో దూసుకుపోతుందని మీరు భావిస్తున్నారా? అన్న ప్రశ్నకు 79% మంది అనుకూలంగా స్పందించడం గమనార్హం. దాదాపు 42000 మంది ఈ పోల్ లో పాల్గొని తమ అభిప్రాయాన్ని తెలిపారు. అయితే రాజకీయంగా తారక్ పై ఇలాంటి కామెంట్లు వస్తున్నప్పటికీ.. ఆయన మాత్రం వీటి పై స్పందించడం లేదు.