కన్నడ చిత్ర పరిశ్రమలో నటుడిగా దర్శకుడిగా కొనసాగుతూ ఎంతో మంచి గుర్తింపు సంపాదించుకున్న రిషబ్ శెట్టి గురించి అందరికీ సుపరిచితమే. ఇలా ఈయన పలు సినిమాలకు దర్శకత్వం వహించడమే కాకుండా సినిమాలలో హీరోగా కూడా నటించారు. ఇకపోతే గత ఏడాది ఈయన స్వీయ దర్శకత్వంలో ఈయన హీరోగా ప్రేక్షకుల ముందుకు వచ్చినటువంటి సినిమా కాంతార. భూతకోల నృత్యం నేపథ్యంలో ప్రేక్షకుల ముందుకు వచ్చినటువంటి ఈ సినిమా అద్భుతమైన విజయాన్ని అందుకుంది.
ఈ విధంగా కాంతర సినిమా కన్నడ చిత్ర పరిశ్రమలో మాత్రమే కాకుండా పాన్ ఇండియా స్థాయిలో ఎంతో మంచి ఆదరణ సంపాదించుకుంది. ఇలా ఈ సినిమా మంచి సక్సెస్ కావడంతో ఈ సినిమాకు సీక్వెల్ చిత్రం నిర్మించే పనిలో మేకర్స్ బిజీ అయ్యారు. ప్రస్తుతం ఈ సినిమా ప్రీ ప్రొడక్షన్ పనులలో చిత్ర బృందం ఎంతో బిజీగా ఉన్నారు. ఇకపోతే నటుడు రిషబ్ శెట్టి జూలై 7వ తేదీ ఎంతో ఘనంగా తన పుట్టిన రోజు వేడుకలను జరుపుకున్నారు.
కొన్ని వందల మంది అభిమానుల సమక్షంలో ఈయన (Rishab Shetty) పుట్టినరోజు వేడుకలు జరిగాయి. పుట్టినరోజు సందర్భంగా ఆయన సతీమణి ప్రగతి రిషబ్ శెట్టి ఫౌండేషన్ ప్రారంభించారు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక ఈ వేడుకలో భాగంగా ఎంతో మంది రిషబ్ శెట్టి అభిమానులు పాల్గొన్నారు. ఈ కార్యక్రమంలో భాగంగా రిషబ్ మాట్లాడుతూ కాస్త ఎమోషనల్ అయ్యారు.. పల్లెటూరి నుంచి కలల్ని మూట కట్టుకొని సినిమా ఇండస్ట్రీలోకి వచ్చాను అయితే నేడు ఇండస్ట్రీలో తనకు ఇంత మంచి పేరు ప్రఖ్యాతలు వచ్చాయి అంటే అది కేవలం ప్రేక్షకుల వల్ల మాత్రమేనని ఈయన తెలిపారు.
ఈ క్రమంలోనే ప్రేక్షకులకు కృతజ్ఞతలు తెలపడం కోసం ఎదురుచూస్తున్నాను. ఇలా నా పుట్టినరోజు సందర్భంగా ఆ అవకాశం వచ్చిందని ఈయన ప్రతి ఒక్క ప్రేక్షకుడికి ప్రత్యేకంగా కృతజ్ఞతలు తెలిపారు. అలాగే తన పేరిట ఈ ఫౌండేషన్ ప్రారంభించినటువంటి తన భార్య ప్రగతి అలాగే ఈ కార్యక్రమాన్ని ఆర్గనైజ్ చేసినటువంటి ప్రమోద్ శెట్టి అలాగే ప్రతి ఒక్కరికి ఈ సందర్భంగా ఈయన కృతజ్ఞతలు తెలుపుతూ చేసినటువంటి ఈ కామెంట్స్ ప్రస్తుతం వైరల్ అవుతున్నాయి.
రంగబలి సినిమా రివ్యూ & రేటింగ్!
రుద్రంగి సినిమా రివ్యూ & రేటింగ్!
18 స్టార్ హీరోయిన్ల చిన్ననాటి రేర్‌ ఫోటోలు వైరల్!
Home