సీనియర్ స్టార్ హీరోయిన్ అలాగే ఇప్పటి క్యారెక్టర్ ఆర్టిస్ట్ అలాగే మంత్రి అయిన రోజా బాక్సింగ్ చేస్తూ సందడి చేసిన వీడియో ఇప్పుడు వైరల్ గా మారింది. ఆదివారం నాడు సాగరతీరంలోని ఫ్లడ్లైట్ వెలుతురుతో ఆలిండియా ఆహ్వాన సీఎం కప్ బాక్సింగ్ చాంపియన్ షిప్ పోటీలను ప్రారంభించారు రాష్ట్ర పర్యాటక క్రీడల శాఖ మంత్రి ఆర్కే రోజా. ఈ సందర్భంగా ఆమె మాట్లాడుతూ.. ” ఎందులో అయినా గెలుపోటములు సహజం.. జాతీయ స్థాయి పోటీకి ఎదగడం అంటే గెలుపుతో సమానం. .
ఏ రంగంలోనైనా విజేతగా నిలవాలంటే పట్టుదల చాలా ముఖ్యం. బాక్సింగ్ క్రీడల్లో పాల్గొనే ప్రతి ఒక్కరూ రాష్ట్రానికి మంచి పేరు తీసుకురావాలి. విశాఖ ప్రత్యేక రైల్వే జోన్ కోసం మంత్రి అమర్ నాథ్ తో కలిసి ఈ ప్రాంగణం నుంచే ఉద్యమించాము, రాజధాని కోసం విశాఖ గర్జనలో పాల్గొన్నాను. నా సినిమా కెరీర్ ప్రారంభం నుండి విశాఖపట్నం ప్రజలతో మంచి అనుబంధం ఉంది. విశాఖ ప్రజల కష్టసుఖాల్లో నేను తోడుగా ఉంటాను. క్రీడాకారులు, కళాకారులను ప్రోత్సహించేందుకు మన ప్రభుత్వం చిత్తశుద్ధితో కృషి చేస్తుంది” అంటూ చెప్పుకొచ్చారు రోజా.
ఇదే క్రమంలో బాక్సింగ్ గ్లోవ్స్ ధరించి అతిథులతో పంచ్ లు విసురుతూ సందడి చేశారు రోజా. దీంతో బాక్సింగ్ క్రీడాకారుల్లో ఆమె ఉత్సాహం నింపినట్టు అయ్యింది.ఈ కార్యక్రమంలో జీసీసీ చైర్పర్సన్ శోభా స్వాతిరాణి,ఎమ్మెల్సీ వరుదు కల్యాణి, టోర్నీ నిర్వాహక అధ్యక్షుడు, రాష్ట్ర మారిటైమ్ బోర్డు చైర్మన్ కాయల వెంకటరెడ్డి,ఎస్టీ కమిషన్ చైర్మన్ రవిబాబు, బ్రాహ్మణ కార్పొరేషన్ చైర్మన్ సీతంరాజు వంటి వారు పాల్గొన్నారు. ఇక రోజా బాక్సింగ్ చేసిన వీడియో ప్రస్తుతం వైరల్ గా మారింది. మీరు కూడా ఓ లుక్కేయండి :
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
