Yash: మహిళా డైరెక్షన్ లో యష్ కొత్త సినిమా… నిజమెంత?

April 17, 2023 / 11:02 AM ISTByFilmy Focus

Join Us

Yash: మహిళా డైరెక్షన్ లో యష్ కొత్త సినిమా… నిజమెంత?

కన్నడ చిత్ర పరిశ్రమలో నటుడిగా కొనసాగుతూ ఒక్కసారిగా కేజిఎఫ్ సినిమా ద్వారా దేశవ్యాప్తంగా సంచలనంగా మారిన నటుడు యష్ గురించి ప్రత్యేకంగా పరిచయం అవసరం లేదు. ప్రశాంత్ నీల్ దర్శకత్వంలో తెరకెక్కిన కే జి ఎఫ్ సినిమా ద్వారా పాన్ ఇండియా స్థాయిలో ప్రేక్షకుల ముందుకు వచ్చిన ఈయన ఎంతో అద్భుతమైన విజయాన్ని అందుకోవడమే కాకుండా విపరీతమైన అభిమానులను కూడా సొంతం చేసుకున్నారు. కన్నడ చిత్ర పరిశ్రమకే పరిమితమైన యశ్ ఈ సినిమాతో పాన్ ఇండియా స్టార్ గా మారిపోయారు.కే జి ఎఫ్ సినిమా మంచి సక్సెస్ అవడంతో ఈ సినిమాకి సీక్వెల్ చిత్రాన్ని తెరకెక్కించారు.

ఈ సినిమా కూడా విడుదలై ఏడాది పూర్తి అయింది. ఇక ఈ సినిమా కూడా బాక్స్ ఆఫీస్ ను ఎలా షేక్ చేసిందో అందరికీ తెలిసిందే. అయితే ఇలాంటి బ్లాక్ బాస్టర్ సినిమా ద్వారా ప్రేక్షకులు ముందుకు వచ్చినటువంటి యశ్ తన తదుపరి చిత్రాన్ని ఏ జానర్లో చేస్తారా అని ప్రేక్షకులు, అభిమానులు ఎంతో ఆతృతగా ఎదురుచూస్తున్నారు. ఇకపోతే ఈ సినిమా విడుదలై ఏడాది పూర్తి చేసుకున్న ఇప్పటివరకు యశ్ తన తదుపరి సినిమా గురించి ఏ విధమైనటువంటి క్లారిటీ ఇవ్వకపోవడంతో అభిమానులలో కాస్త అసహనం ఏర్పడిందని చెప్పాలి.

అయితే ఈయన (Yash) గురించి ఎలాంటి క్లారిటీ రాకపోవడంతో సోషల్ మీడియాలో ఈయన తదుపరి సినిమా గురించి రోజుకో వార్త వైరల్ అవుతుంది. యష్ తన తదుపరి చిత్రాన్ని ఫలానా డైరెక్టర్ దర్శకత్వంలో చేయబోతున్నారు అంటూ ఇప్పటివరకు ఎన్నో వార్తలు వచ్చాయి. ఇకపోతే తాజాగా మరొక వార్త కూడా సోషల్ మీడియాలో వైరల్ గా మారింది. యశ్ తన తదుపరి చిత్రాన్ని ఓ మహిళా డైరెక్టర్ దర్శకత్వంలో చేయబోతున్నారని వార్త సోషల్ మీడియాలో వైరల్ గా మారింది.

హీరోయిన్ గా ఇండస్ట్రీలోకి అడుగుపెట్టిన గీతు మోహన్ దాస్ దర్శకత్వంలో ఈమె తన తదుపరి సినిమాని చేయబోతున్నారనే వార్తలు వినిపిస్తున్నాయి. ఇలా ఒక లేడీ డైరెక్షన్ లో యశ్ తన తదుపరి సినిమా ద్వారా రాబోతున్నారని తెలియడంతో ఈయన ఏ తరహా పాత్రలో నటించబోతున్నారనే సందేహాలు కూడా వ్యక్తం అవుతున్నాయి.ఇక గీత మోహన్ దాస్ విషయానికొస్తే ఈమె దర్శకురాలిగా చేసినది రెండు సినిమాలే అయినా ఈ రెండు సినిమాలు బాక్స్ ఆఫీస్ ను షేక్ చేశాయని చెప్పాలి.మరి వీరిద్దరి కాంబినేషన్లో ఏ తరహా సినిమా ప్రేక్షకుల ముందుకు రాబోతుందో తెలియాల్సి ఉంది.