జక్కన్న చాలా తెలివిగా తప్పించుకున్నాడు..!

దర్శకధీరుడు రాజమౌళి తెలుగు సినిమా స్థాయిని అమాంతం పెంచేసిన దర్శకులలో మొదట ఉంటాడు అనడంలో ఎలాంటి సందేహం లేదు. ఇప్పుడు రాజమౌళి సినిమా అంటే.. కనీసం మూడు నాలుగు భాషల్లో విడుదల కావాల్సిందే. అంత మార్కెట్ ఉంది ఆయనకి. ఇక అంత పెద్ద దర్శకుడు కాబట్టి ఎవరి ఒత్తిడిలకు ఆయన లొంగడు అని అందరికీ తెలిసిందే. హీరోల ఇమేజ్ ను బట్టి కథలో మార్పులు చేయడు. ఇక ఆయన అనుకున్న కథను అనుకున్నట్టుగానే తెరకెక్కిస్తాడు.. అందుకోసం అస్సలు రాజీ పడడు.

ప్రస్తుతం చరణ్, ఎన్టీఆర్ లతో ‘ఆర్.ఆర్.ఆర్’ చిత్రం తెరకెక్కిన్నాడు రాజమౌళి. ఇటీవల ఈ హీరోలు ఓ విషయంలో జక్కన్న పై విపరీతమైన ఒత్తిడి చేశారట. అదేంటంటే.. వినాయకచవితి పండుగరోజున ‘ఆర్.ఆర్.ఆర్’ కు సంబంధించి ఓ స్టిల్ విడుదల చేసి ప్రేక్షకులకు వినాయక చవితి శుభాకాంక్షలు చెబితే బాగుంటుందని… తారక్, చరణ్ లు… జక్కన్నను ఎంతో ప్రెజర్ పెట్టారట. చవితి రోజున ‘ఆర్.ఆర్.ఆర్’ టీమ్ నుండి ఓ ట్విట్ వచ్చింది. ‘తారక్ తో బల్గేరియాలో రాజమౌళి షూట్ చేస్తున్నారు. చరణ్ చేత కొన్ని యాక్షన్ సీన్స్ ప్రాక్టీస్ చేయిస్తున్నారు’ అంటూ ఓ అప్డేట్ వచ్చింది. అయితే చరణ్,ఎన్టీఆర్ లు చెప్పింది ఒకటైతే రాజమౌళి మరొకటి చేశాడు. ఇలా హీరోలకి ట్విస్ట్ ఇచ్చాడు. ఎంత పెద్ద హీరోలు బలవంతం చేసినా… తాను తగ్గనని తెలివిగా సమాధానం చెప్పాడు జక్కన్న.