యుంగ్ రెబల్ స్టార్ ప్రభాస్.. నటిస్తోన్న తాజా చిత్రం ‘రాధే శ్యామ్’. గోపీచంద్ తో ‘జిల్’ వంటి యాక్షన్ ఎంటర్టైనర్ ను తెరకెక్కించిన రాధాకృష్ణ కుమార్ ఈ చిత్రానికి దర్శకుడు. పూజా హెగ్డే హీరోయిన్ గా నటిస్తున్న ఈ చిత్రానికి జస్టిన్ ప్రభాకరన్ సంగీతం అందిస్తున్నాడు. ఈ నెల 14న అంటే వాలెంటైన్స్ డే రోజున టీజర్ ను కూడా విడుదల చెయ్యబోతున్నట్టు చిత్ర యూనిట్ సభ్యులు ఓ ప్రీ లుక్ టీజర్ ద్వారా ప్రకటించారు. అదే రోజున విడుదల తేదీని కూడా ప్రకటించే అవకాశం ఉందని టాక్ బలంగా వినిపిస్తుంది.
ఎందుకంటే.. ఈ ఏడాది విడుదలయ్యే పెద్ద సినిమాల రిలీజ్ డేట్ లను ఇప్పటికే ప్రకటించేసారు. అయితే ‘రాధే శ్యామ్’ రిలీజ్ డేట్ మాత్రమే బాకీ ఉంది. ఈ నేపథ్యంలో ‘రాధే శ్యామ్’ చిత్రం ‘ఆర్.ఆర్.ఆర్’ రిలీజ్ డేట్ రోజునే విడుదల కాబోతున్నట్టు ఓ వార్త ఇప్పుడు ఫిలింనగర్లో చక్కర్లు కొడుతుంది. కంగారు పడకండి.. అలా అని అక్టోబర్ 13న కాదు. మొదట ‘ఆర్.ఆర్.ఆర్’ చిత్రాన్ని 2020 జూలై 30న విడుదల చెయ్యబోతున్నట్టు రాజమౌళి అలాగే నిర్మాత దానయ్య ప్రకటించారు.
అయితే కరోనా వైరస్ కారణంగా ఏర్పడిన లాక్ డౌన్ వల్ల ఆ లెక్కలు అన్నీ మారిపోయాయి. దీంతో ఇప్పుడు ఆ డేట్ కు ‘రాధే శ్యామ్’ విడుదలయ్యే అవకాశాలు బలంగా కనిపిస్తున్నాయి. అయితే అదే రోజున వరుణ్ తేజ్ ‘గని’ చిత్రాన్ని కూడా విడుదల చెయ్యబోతున్నట్టు ఆ చిత్రం యూనిట్ సభ్యులు ఇప్పటికే ప్రకటించారు. ఈ నేపథ్యంలో ఆ చిత్రాన్ని రెండు వారాల పాటు పోస్ట్ పోన్ చేసే అవకాశం కూడా ఉందని తెలుస్తుంది.
Most Recommended Video
జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?
