రాజమౌళి (SS Rajamouli) డైరెక్షన్ లో తెరకెక్కిన ఆర్ఆర్ఆర్ (RRR) మూవీ 1200 కోట్ల రూపాయలకు పైగా గ్రాస్ కలెక్షన్లతో రెండేళ్ల క్రితం బాక్సాఫీస్ ను షేక్ చేసింది. బయ్యర్లు, డిస్ట్రిబ్యూటర్లకు ఈ సినిమా మంచి లాభాలను అందించింది. బాలీవుడ్ ఇండస్ట్రీలో సైతం ఆర్ఆర్ఆర్ బ్లాక్ బస్టర్ హిట్ గా నిలిచి చరణ్ (Ram Charan) , తారక్ (Jr. NTR) రేంజ్ పెంచింది. ఆర్ఆర్ఆర్ క్లైమాక్స్ లో చరణ్ సీతారామరాజు గెటప్ లో కనిపించగా బాలీవుడ్ ప్రేక్షకులు ఆ గెటప్ శ్రీరాముడి గెటప్ అని భావించారు.
అయితే బాలీవుడ్ ఇండస్ట్రీలో ఆర్ఆర్ఆర్ మూవీ రీరిలీజ్ కానుందని సమాచారం అందుతోంది. పెన్ స్టూడియోస్ ఈ సినిమాను బాలీవుడ్ ఇండస్ట్రీలో రీరిలీజ్ చేస్తున్నట్టు ప్రకటించింది. బాలీవుడ్ ఇండస్ట్రీలో రీరిలీజ్ లో ఈ సినిమాకు ఎలాంటి రెస్పాన్స్ వస్తుందో చూడాలి. ప్రస్తుతం థియేటర్లలో రన్ అవుతున్న బాలీవుడ్ సినిమాలేవీ ఆశించిన రేంజ్ లో కలెక్షన్లను సాధించడం లేదు.
అందువల్ల ఆర్ఆర్ఆర్ సినిమాను రీరిలీజ్ చేయడానికి ఇదే సరైన సమయానికి పెన్ స్టూడియోస్ నిర్మాతలు ఫీలవుతున్నారని తెలుస్తోంది. అయితే ఈ సినిమా రీరిలీజ్ డేట్ కు సంబంధించి క్లారిటీ రావాల్సి ఉంది. చరణ్, తారక్ రీరిలీజ్ లో సైతం ఈ సినిమాతో మంచి రెస్పాన్స్ ను సొంతం చేసుకుంటే ఫ్యాన్స్ సంతోషానికి అవధులు ఉండవు. పెన్ స్టూడియోస్ పోస్ట్ కు నెటిజన్ల నుంచి పాజిటివ్ రెస్పాన్స్ వస్తోంది.
తెలుగు రాష్ట్రాల్లో కూడా ఆర్ఆర్ఆర్ మూవీని రీరిలీజ్ చేస్తే బాగుంటుందని ఫ్యాన్స్ ఫీలవుతున్నారు. ఆర్ఆర్ఆర్ సీక్వెల్ కోసం సైతం ఆసక్తిగా ఎదురుచూస్తున్నామని ఫ్యాన్స్ చెబుతున్నారు. ఈ కామెంట్ల విషయంలో ఆర్ఆర్ఆర్ మేకర్స్ నుంచి ఎలాంటి రెస్పాన్స్ వస్తుందో చూడాల్సి ఉంది. ఈ సినిమాలోని నాటు నాటు సాంగ్ కు ఆస్కార్ రావడంతో ప్రపంచవ్యాప్తంగా ఈ సినిమా పేరు మారుమ్రోగింది.
