మహేష్, మురుగదాస్ సినిమాపై భిన్న కథనాలు

స్టార్ హీరో, స్టార్ డైరక్టర్, వందకోట్ల బడ్జెట్, రెండు భాషల్లో నిర్మాణం… ఇవి చాలు సినిమాపై ఆసక్తిని కలిగించడానికి. అలాంటి చిత్రానికి చెందిన చిన్న న్యూస్ అయినా చాలా వేగంగా స్ప్రెడ్ అవుతుంది. అలాంటి పరిస్థితి ప్రస్తుతం సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ దర్శకత్వంలో వస్తున్న మూవీ ఎదుర్కొంటోంది. అలాహాబాద్లో షూటింగ్ జరుపుకుంటున్న ఈ ఫిల్మ్ పై ఓ వార్త చక్కర్లు కొడుతోంది. గతంలో విజయ్ హీరోగా మురుగదాస్ రూపొందించిన తుపాకి సినిమాకు ఈ చిత్రం సీక్వల్ అని తమిళ పత్రికలు కథనాల్ని ప్రచురిస్తున్నాయి.

సంభవామి అని టైటిల్ అనుకుంటున్న ఈ చిత్రాన్ని తమిళంలో తుపాకీ 2 గా రిలీజ్ చేయాలనీ డైరక్టర్ భావిస్తున్నట్లు వెల్లడించాయి. ఈ వార్తలపై చిత్ర యూనిట్ ఇంకా స్పందించలేదు. మహేష్ అభిమానులు అయితే ఘాటుగానే సమాధానం చెబుతున్నారు. రీమేక్, సీక్వెల్ చిత్రాలు చేయడం తమ హీరో కి అసలు ఇష్టముండదని స్పష్టం చేశారు. ఫ్రెష్ కథతోనే ప్రిన్స్ తెలుగు, తమిళంలో సూపర్ హిట్ అందుకుంటారని ధీమా వ్యక్తం చేస్తున్నారు. ఇన్వెస్ట్ గేట్ ఆఫీసర్ గా మహేష్ బాబు నటిస్తున్న ఈ మూవీలో ఫిట్ బ్యూటీ రకుల్ ప్రీత్ సింగ్ అందాలతో కనువిందు చేయనుంది. తమిళ నటుడు, దర్శకుడు ఎస్ జె సూర్య విలన్ గా పరిచయం అవుతున్న ఈ మూవీ ఫస్ట్ లుక్ జనవరి ఫస్ట్ కి రిలీజ్ కానుంది.

Also, do SUBSCRIBE to our YouTube channel to get latest Tollywood updates.