సర్కారు వారి పాట నుంచి తొలి పాటగా విడుదలైన కళావతి పాటకు మహేశ్ అభిమానులతో పాటు సాధారణ అభిమానుల నుంచి కూడా పాజిటివ్ రెస్పాన్స్ వచ్చింది. యూట్యూబ్ లో కళావతి పాటకు 24 గంటల్లో 8 లక్షల లైక్స్ తో పాటు 1.6 కోట్ల వ్యూస్ వచ్చాయి. కళావతి పాట వ్యూస్, లైక్స్ విషయంలో యూట్యూబ్ లో రికార్డులను క్రియేట్ చేసింది. అయితే ఇతర హీరోల అభిమానులు మాత్రం కళావతి సాంగ్ వ్యూస్, లైక్స్ జెన్యూన్ గా వచ్చినవి కాదని చెబుతున్నారు.
పెయిడ్ ప్రమోషన్ల ద్వారా ఈ పాటకు వ్యూస్, లైక్స్ పెరిగాయని ఇతర హీరోల ఫ్యాన్స్ కామెంట్లు చేస్తున్నారు. పాట విడుదలైన వెంటనే కాకుండా తర్వాత ఈ సాంగ్ కు ఎక్కువ వ్యూస్, లైక్స్ వచ్చాయని ఈ రికార్డు కోసం నిర్మాతలు భారీ మొత్తంలో ఖర్చు చేశారని కామెంట్లు వ్యక్తమవుతున్నాయి. క్రేజ్ దృష్ట్యా మహేష్ పాటలు కొత్త రికార్డులు క్రియేట్ చేయడంలో ఆశ్చర్యం లేకపోయినా లీకైన సాంగ్ రికార్డులు క్రియేట్ చేయడంతో అనుమానాలు వ్యక్తమవుతున్నాయి.
అజిత్ వలిమై, విజయ్ బీస్ట్ సినిమాల వీడియోల విషయంలో కూడా ఈ తరహా ఆరోపణలు వ్యక్తమవుతూ ఉండటం గమనార్హం. సినిమాలపై క్రేజ్ ను పెంచడంతో పాటు రికార్డుల ద్వారా సినిమాను వార్తల్లో నిలపడానికి నిర్మాతలు యూట్యూబ్ వ్యూస్, లైక్స్ కోసం ఖర్చు చేస్తున్నారని కామెంట్లు వినిపిస్తున్నాయి. కళావతి సాంగ్ విషయంలో వస్తున్న ఆరోపణల గురించి మైత్రీ మూవీ మేకర్స్ నిర్మాతలు ఎలా స్పందిస్తారో చూడాలి. శ్రోతల నుంచి పాజిటివ్ రెస్పాన్స్ తెచ్చుకున్నా ఈ ఆరోపణల వల్ల సినిమాకు మేలు కంటే నష్టమే ఎక్కువగా జరిగే ఛాన్స్ ఉంది.
ఛార్ట్ బస్టర్ అయ్యే సాంగ్ కు ఇలా చేయాల్సిన అవసరం అయితే లేదని మహేష్ అభిమానులు చెబుతున్నారు. మరోవైపు ఈ సాంగ్ ద్వారా సినిమాపై అంచనాలు పెరగగా సర్కారు వారి పాట రిలీజ్ కోసం అభిమానులు ఆసక్తిగా ఎదురుచూస్తున్నారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home