డబల్ అయిన ప్రభాస్ సాహో బడ్జెట్

యంగ్ రెబల్ స్టార్ ప్రభాస్ బాహుబలి కంక్లూజన్ చిత్రం తర్వాత చేయనున్న చిత్రం గురించి రోజుకో ఆసక్తికర విషయం బయటికి వస్తోంది. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై  వంశీ, ప్రమోద్ లు నిర్మించనున్న ఈ చిత్రానికి మొదట వంద కోట్లు బడ్జెట్ అనుకున్నారు. బాహుబలి కంక్లూజన్ ప్రభంజనం చూసిన అనంతరం ప్రభాస్ సినిమా అంటే ఓ రేంజ్ లో ఉండాలని బడ్జెట్ ని 150 కోట్లకు పెంచారు. బాలీవుడ్, హాలీవుడ్ ఆర్టిస్టులు, టెక్నీషయన్లను ఈ చిత్ర బృందంలోకి తీసుకున్నారు. తాజాగా ఈ మూవీ బడ్జెట్ ని 225 కోట్లకు పెంచినట్లు తెలిసింది.

కారణం ఈ మూవీ షూటింగ్ లొకేషన్స్ పెంచడమేనని ఫిలిం నగర్ వాసులు చెబుతున్నారు. కొన్ని కీలకమైన సన్నివేశాలను ముంబై, అబుదాబి, రొమేనియా వంటి ప్రఖ్యాత ప్రదేశాల్లో షూటింగ్ చేయనున్నట్లు సమాచారం. అంతేకాదు సాహో కోసం 5 కోట్లతో రామోజీ ఫిలిం సిటీలో భారీ సెట్ వేస్తున్నారు. ఇక్కడ ఎక్కువ భాగం షూటింగ్ చేస్తారని తెలిసింది.  విలన్లుగా బాలీవుడ్ న‌టులు నీల్ నితిన్ ముఖేష్‌, చుంకీ పాండే ఖరారు కాగా హీరోయిన్ గా శ్ర‌ద్ధాక‌పూర్ పేరు వినిపిస్తోంది. ఈ విషయంలో త్వరలో క్లారిటీ రానుంది.

Also, do SUBSCRIBE to our YouTube channel to get latest Tollywood updates.