ఆ స్టార్ హీరోతో ప్రభాస్ పోటీ పడటం కష్టమేనేమో?

‘బాహుబలి 2’ వచ్చి రెండేళ్ళు దాటుతుంది. దీంతో ‘సాహో’ చిత్రం పై ఎన్నో ఆశలు పెట్టుకున్నారు. సుజీత్ డైరెక్షన్లో తెరకెక్కుతున్న ఈ చిత్రం హై వోల్టేజ్ యాక్షన్ ఎంటర్టైనర్ గా రూపొందుతుందని ప్రచారం జరిగింది. నిన్న విడుదల చేసిన టీజర్ చూస్తుంటే అది నిజమేనని స్పష్టమవుతుంది. ఈ చిత్రం కోసం దేశవ్యాప్తంగా ఎంతో ఆసక్తిగా ఎదురుచూస్తున్నారు. ముఖ్యంగా ఈ చిత్రం హిందీ టీజర్ కి విడుదలైన 24 గంటల్లోనే 25 మిలియన్ వ్యూస్ రావడం విశేషం. దీనిని బట్టి చూస్తే ఈ చిత్రానికి బాలీవుడ్ లో ఏ రేంజ్ క్రేజ్ ఉందో అర్ధమవుతుంది. అంతేకాదు ఈ చిత్రం బాలీవుడ్ రైట్స్ కూడా భారీగా అమ్ముడుపోయాయి. అయితే ‘సాహో’ చిత్రానికి చిన్న సమస్య వచ్చి పడింది.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• కైలాసపురం వెబ్ సిరీస్ రివ్యూ కోసం ఇక్కడ క్లిక్ చెయ్యండి

అదేంటంటే… బాలీవుడ్ స్టార్ హీరో అక్షయ్ కుమార్ నటిస్తున్న ‘మిషన్ మంగళ్’ కూడా ‘సాహో’ తో పాటే విడుదలవుతుంది. బాలీవుడ్ స్టార్ హీరో అయిన అక్షయ్ కుమార్ చిత్రంతో పోటీ పడటం అంటే కాస్త కష్టమనే చెప్పాలి. అయన మార్కెట్ కూడా భారీ రేంజ్లోనే ఉంటుంది కూడా…! ఇప్పుడు సాహోతో ప్రభాస్ ఏ స్థాయిలో అక్షయ్ ని ఢీ కొట్టగలడనేది పెద్ద క్వశ్చన్ మార్క్? ప్రభాస్ కు సోలో రిలీజ్ దొరికితే.. ‘సాహో’ చిత్రం భారీ ఓపెనింగ్స్ రాబట్టే ఛాన్స్ ఉండేది అనడంలో సందేహం లేదు.. కానీ అక్షయ్ సినిమా పెద్ద అడ్డంకిగా మారింది.