మొదలైన సాహో రెగ్యులర్ షూటింగ్

బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సాహో సినిమా రెగ్యులర్ షూటింగ్ లోకి ఎంటర్ అయింది. యువ డైరక్టర్ సుజీత్ దర్శకత్వంలో తెరకెక్కుతోన్న ఈ మూవీ మొదటి షెడ్యూల్ హైదరాబాద్ లో ఈరోజు మొదలయింది. గత కొంతకాలంగా విదేశీ పర్యటనలో ఉన్న ప్రభాస్ రీసెంట్ గా నగరానికి వచ్చారు. నేటి నుంచి సాహో చిత్రీకరణలో పాల్గొంటున్నారు. అతనితో పాటు బాలీవుడ్ నటుడు నీల్ నితిన్ ముఖేష్ షూటింగ్ లో జాయిన్ అయ్యారు. వీరిద్దరిపై యాక్షన్ సీన్ ని తెరకెక్కించనున్నట్లు తెలిసింది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ చిత్రానికి జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు.

ఈ చిత్రానికి సంబందించిన టెక్నీషియన్లు, ఆర్టిస్టులు అందరూ ఖరారు అయ్యారు కానీ, హీరోయిన్ విషయంలో మాత్రం సుజీత్ ఓ నిర్ణయానికి రాలేక పోతున్నారు. బాలీవుడ్ తారల పేర్లు అనేకం వినిపిస్తున్నప్పటికీ, అనుష్క పేరు కూడా పరిశీలనలో ఉన్నట్లు తెలుస్తోంది. మరి ప్రభాస్ సరసన నటించే ఛాన్స్ ఏ భామకు వరిస్తుందో చూడాలి.

Also, do SUBSCRIBE to our YouTube channel to get latest Tollywood updates.