యంగ్ టైగర్ ఎన్టీఆర్ కి బ్లాక్ బస్టర్ హిట్ గా నిలిచిన జనతాగ్యారేజ్లో నటించిన అందరికీ మంచి పేరు వచ్చింది. ఇందులో తారక్, మోహన్ లాల్ తర్వాత ఎక్కువగా ఆకట్టుకున్న నటుడు సచిన్ కేడ్కర్. బాలీవుడ్ యాక్టర్ తన విలనిజంతో తెలుగు ప్రజల మెప్పు అందుకున్నాడు. తెలుగులో మొదటి సినిమాతోనే మంచి గుర్తింపు సాధించాడు. ఇప్పుడు అతన్ని మరో సినిమాకు తీసుకున్నారు.
సంపత్ నంది దర్శకత్వంలో గోపి చంద్ నటిస్తున్న మూవీలో సచిన్ కేడ్కర్ నటిస్తున్నాడు. బాలాజీ సినీ మీడియా బ్యానర్పై భగవాన్, పుల్లారావులు నిర్మిస్తున్న ఈ సినిమా షూటింగ్ రేపటి నుంచి మొదలు కానుంది. ఇందుకోసం చిత్ర బృందం బ్యాంకాక్ కి వెళ్లింది. అక్కడే 30 రోజుల పాటు చిత్రీకరణ జరగనుంది. సచిన్ కేడ్కర్, గోపీచంద లపై వచ్చే కీలక సన్నివేశాలను తెరకెక్కించనున్నారు. ఆక్సిజన్ చిత్రం తర్వాత గోపిచంద్ చేస్తున్నఈ ఫిల్మ్ లో హన్సిక, క్యాథరిన్ హీరోయిన్లు గా నటిస్తున్నారు. ఈ సినిమా వచ్చే ఏడాది రిలీజ్ కానుంది.
