“పిల్లా నువ్వు లేని జీవితం, సుబ్రమణ్యం ఫర్ సేల్” చిత్రాల్లో వరుసగా రెజీనాతో నటించేసరికి ఆమెతో సాయిధరమ్ తేజ్ డేటింగ్ చేస్తున్నాడని.. త్వరలోనే పెళ్లి కూడా చేసుకోబోతున్నారని టాక్ వచ్చింది. అప్పట్నుంచి రెజీనా మనోడితో యాక్ట్ చేయడం కూడా మానేసింది. ఆ తర్వాత రీసెంట్ గా సాయిధరమ్ తేజ్ కి అతడితో కలిసి “తిక్క” సినిమాలో నటించిన లారిస్సాతో రిలేషన్ లో ఉన్నాడని కూడా టాక్ వచ్చింది. ఈ రెండు వార్తలపై సాయిధరమ్ తేజ్ ఎప్పుడూ స్పందించలేదు. దాంతో కొంతలో కొంతైనా నిజం ఉందని అనుకొన్నారు జనాలు.
కానీ.. ఎట్టకేలకు ఈ విషయమై స్పందించాడు సాయిధరమ్ తేజ్. ఇటీవల ఓ ఆంగ్ల పత్రికకు ఇచ్చిన ఇంటర్వ్యూలో తనకు రెజీనా, లారిస్సాతో అంటగట్టిన రిలేషన్స్ గురించి మాట్లాడుతూ.. “వాళ్ళిద్దరూ నాకు మంచి స్నేహితులు మాత్రమే. రెజీనా నాకు ఇంకాస్త స్పెషల్ ఎందుకంటే ఆమె నాతో కలిసి రెండు సినిమాల్లో నటించింది. అంతే తప్ప వేరే రిలేషన్ ఏమీ లేదు. మీరు నమ్మినా నమ్మకపోయినా నేను ఇప్పుడు సింగిల్. ఇంజనీరింగ్ టైమ్ లో మాత్రం నేను ఒకమ్మాయితో నాలుగేళ్లపాటు రిలేషన్ లో ఉన్నాను” అని స్పష్టం చేశాడు సాయిధరమ్ తేజ్. అలాగే.. తాను ఫ్లాపులు చూసి భయపడలేదని, ఏదో ఒక శుక్రవారం మళ్ళీ తన ఫేట్ మారడం ఖాయమని ఆశాభావం వ్యక్తం చేశాడు సాయిధరమ్ తేజ్.
Home