Sai Dharam Tej: వైరల్ అవుతున్న సాయి ధరమ్ తేజ్ వీడియో..!

సుప్రీం హీరో సాయి ధరమ్ తేజ్ త్వరలో కొత్త సినిమా అప్‌డేట్‌తో ఫ్యాన్స్ అండ్ ఆడియన్స్ ముందుకి రాబోతున్నాడు. గతేడాది దేవ కట్టా దర్శకత్వంలో చేసిన రివల్యూషనరీ ఫిలిం ‘రిపబ్లిక్’ లో బెస్ట్ పర్ఫార్మెన్స్‌తో మెప్పించాడు. సినిమా కమర్షియల్‌గా వర్కౌట్ అవకపోయినా కానీ మంచి ప్రశంసలు వచ్చాయి.. తర్వాత యాక్సిడెంట్ కావడంతో షూటింగ్స్‌కి బ్రేక్ వచ్చింది.. కొద్దిరోజుల పాటు ఆసుపత్రిలో చికిత్స పొందిన సంగతి తెలిసిందే. కొద్ది రోజులు విశ్రాంతి తీసుకున్న తర్వాత ఇటీవలే పూర్తిగా కోలుకున్న తేజ్..

ప్రస్తుతం కొత్త సినిమాల కోసం ప్రిపేర్ అవుతున్నాడు. ఛత్రపతి ప్రసాద్ బ్యానర్‌లో.. కొత్త దర్శకుడితో సుప్రీం హీరో చేస్తున్న సినిమాకి.. ప్రమాదానికి గురవడం కారణంగా గ్యాప్ వచ్చింది. ఇప్పుడు కంప్లీట్‌గా రికవరీ అయి.. ఫిట్‌గా తయారైన తేజ్ ఓ వీడియో షేర్ చేశాడు.. స్టైలిష్ లుక్, డిఫరెంట్ గెటప్‌లో ఫోటోషూట్ చేసి.. ఆ వీడియోను తన ఇన్‌స్టాగ్రామ్‌లో పోస్ట్ చేశాడు.. ‘‘న్యూ లుక్ కిరాక్ ఉందన్నా.. అదిరిపోయింది.. ఫుల్ ఆఫ్ స్వాగ్‌తో మా సుప్రీం హీరో స్టైలిష్‌గా ఉన్నాడు..

కొత్త సినిమా షూటింగ్ ఎప్పుడు స్టార్ట్ చేస్తావ్ అన్నా’’ అంటూ ఫ్యాన్స్ కామెంట్స్ చేస్తున్నారు.. బ్రేక్ ఇచ్చిన సాయి తేజ్, ఛత్రపతి ప్రసాద్ సినిమా షూటింగ్ త్వరలో పున:ప్రారంభం కానుంది. సుప్రీం హీరో నటిస్తున్న 15వ చిత్రమిది.. ప్రస్తుతం మరికొన్ని కొత్త కథలు వింటున్న తేజ్.. త్వరలోనే ఆ వివరాలు కూడా తెలియజేయనున్నాడు. తేజ్ షేర్ చేసిన లేటెస్ట్ వీడియో నెట్టింట వైరల్ అవుతోంది..

‘సుప్రీమ్’ సూపర్ హిట్ తర్వాత ‘తిక్క’, ‘విన్నర్’, ‘నక్షత్రం’, ‘జవాన్’, ‘ఇంటిలిజెంట్’, ‘తేజ్ ఐ లవ్ యు’ సినిమాలతో వరుసగా ఆరు ఫ్లాపులతో డబుల్ హ్యాట్రిక్ కొట్టిన తేజ్‌ ‘చిత్రలహరి’ తో ట్రాక్‌లోకి వచ్చాడు.. ‘ప్రతిరోజు పండగే’, ‘సోలో బతుకే సో బెటర్’, ‘రిపబ్లిక్’ తో పర్వాలేదనిపించిన తేజ్ ఈ 15వ మూవీతోనైనా హిట్ కొడతాడో లేదో చూడాలి మరి..

 

View this post on Instagram

 

A post shared by Sai Dharam Tej (@jetpanja)

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..