Vaisshnav Tej: ఆ డైరెక్టర్ కు ఓకే చెప్పిన ఉప్పెన హీరో..?

సినిమా ఇండస్ట్రీలో ఒక హీరో కథను రిజెక్ట్ చేస్తే అదే కథలో మరో హీరో నటించి హిట్ కొట్టిన సందర్భాలు చాలా ఉన్నాయి. అయితే కొన్ని సందర్భాల్లో మాత్రం ఆ సినిమాలు హిట్ కాకుండా ఫ్లాప్ గా నిలిచాయి. అయితే అన్న కథను రిజెక్ట్ చేస్తే తమ్ముడు అదే కథకు గ్రీన్ సిగ్నల్ ఇవ్వడం మాత్రం గతంలో ఎప్పుడూ జరగలేదు. మెగా హీరో సాయిధరమ్ తేజ్ ఒక కథను రిజెక్ట్ చేస్తే వైష్ణవ్ తేజ్ అదే కథకు గ్రీన్ సిగ్నల్ ఇచ్చినట్టు ఇండస్ట్రీ వర్గాల్లో ప్రచారం జరుగుతోంది.

ఉప్పెన సినిమాతో తొలి సినిమాతోనే వైష్ణవ్ తేజ్ బ్లాక్ బస్టర్ హిట్ అందుకోవడంతో పాటు రికార్డు స్థాయిలో కలెక్షన్లను సొంతం చేసుకున్నారు. ఉప్పెన రిజల్ట్ తో దర్శకనిర్మాతలు వైష్ణవ్ తేజ్ తో సినిమాలు తీయడానికి ఆసక్తి చూపుతున్నారు. వైష్ణవ్ తేజ్ భవిష్యత్తులో స్టార్ హీరో అవుతాడని అతని ఫ్యాన్స్ భావిస్తున్నారు. వైష్ణవ్ తేజ్ ఉప్పెన తరువాత రెండు సినిమాలకు గ్రీన్ సిగ్నల్ ఇచ్చారు. ఈ సినిమాలలో ఒక సినిమాకు అర్జున్ రెడ్డిని తమిళంలో రీమేక్ చేసిన గిరీశయ్య దర్శకత్వం వహిస్తున్నారు. గిరీశయ్య మొదట ఈ కథను సాయిధరమ్ తేజ్ కు చెప్పారని..

సాయిధరమ్ తేజ్ రిజెక్ట్ చేస్తే ఈ కథ వైష్ణవ్ తేజ్ చెంతకు చేరిందని తెలుస్తోంది. ప్రముఖ నిర్మాత బీ.వీ.ఎస్.ఎన్ ప్రసాద్ ఈ సినిమాకు దర్శకత్వం వహిస్తున్నారు. ఏప్రిల్ నెలలో ఈ సినిమా షూటింగ్ ప్రారంభం కానుందని తెలుస్తోంది. ఈ సినిమాలో వైష్ణవ్ తేజ్ కు జోడీగా కేతిక శర్మ నటించనుందని సమాచారం. అన్న రిజెక్ట్ చేసిన కథతో తమ్ముడు హిట్ సాధిస్తారేమో చూడాల్సి ఉంది. వైష్ణవ్ తేజ్ ప్రస్తుతం క్రిష్ డైరెక్షన్ లో తెరకెక్కుతున్న సినిమాలో నటిస్తుండగా ఈ సినిమాకు జంగిల్ బుక్ అనే టైటిల్ ఫిక్స్ చేసినట్లు తెలుస్తోంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!