రవితేజతో కలిసి నటించాలని ఆశ పడుతున్న సాయి ధరమ్ తేజ్

సుబ్రహ్మణ్యం ఫర్ సేల్, సుప్రీమ్ వంటి సినిమాలతో సాయి ధరమ్ తేజ్ మెగా హీరోగా నిరూపించుకున్నారు. ఆ తర్వాత చేసిన తిక్క, విన్నర్ సినిమాలు నిరాశ పరిచాయి. గెస్ట్ రోల్ చేసిన నక్షత్రం కూడా అపజయం పాలయింది. ఇక ఆశలన్నీ జవాన్ సినిమాపై పెట్టుకున్నారు. షూటింగ్ పూర్తి చేసుకున్న ఈ మూవీ పోస్ట్ ప్రొడక్షన్ వర్క్ జరుపుకుంటోంది. దీని తర్వాత  స్టార్ డైరెక్టర్ వినాయక్ దర్శకత్వంలోఒక సినిమాను,  కరుణాకరన్ దర్శకత్వంలో మరో సినిమాను చేయనున్నారు. ప్లాప్స్ ఎదురైనా ఫుల్ బిజీగా ఉన్న సాయి ధరమ్ తేజ్ ను రీసెంట్ గా మీడియా పలకరించగా కొన్ని ఆసక్తికర సంగతులు వెల్లడించారు.

మీకు మెగా హీరోలతో మినహాయించి ఏ హీరోతో కలిసి నటించాలనే కోరిక ఉందని ప్రశ్నించగా.. ఆయన స్పందిస్తూ.. “నాకు రవితేజ నాటే చాలా ఇష్టం. ఆయన ఎనర్జీ సూపర్. అతనితో కలిసి నటించాలని ఉంది” అని మనసులోని మాటను బయటపెట్టారు. రాజాధి గ్రేట్, టచ్ చేసి చూడు సినిమాలతో బిజీగా ఉన్న రవితేజ.. సాయి ధరమ్ తేజ్ కోరికను నెరవేర్చాలంటే అది తెలుగు రచయితలు, దర్శకులపైనే ఉంది. వారు మంచి మల్టీ స్టారర్ మూవీ కథను సిద్ధం చేశారంటే రవితేజ తప్పకుండా ఒప్పుకుంటారని టాలీవుడ్ వర్గాల వారు భావిస్తున్నారు.

Also, do SUBSCRIBE to our YouTube channel to get latest Tollywood updates.