అది నా సినిమా టైటిల్ కాదు

సాయిధరమ్ తేజ్ హీరోగా కరుణాకరణ్ దర్శకత్వంలో తెరకెక్కుతున్న చిత్రానికి ‘దేవుడు వారమందిస్తే’ అనే టైటిల్ ఫిక్స్ చేసినట్లు నిన్న ఒక ఫేక్ పోస్టర్ హల్ చల్ చేసిన విషయం తెలిసిందే. ఆ పోస్టర్ నిజమేనేమో అని అందరూ అనుకొనేస్థాయిలో ఆ పోస్టర్ వైరల్ అయ్యింది. ముఖ్యంగా సదరు పోస్టర్ లో ఉన్న సాయిధరమ్ తేజ్ “ఇన్ అండ్ యాజ్” అనే విషయం చాలా కామెడీ అయిపోయింది. “దేవుడు వరమందిస్తే” అనే టైటిల్ కి ఇన్ అండ్ యాజ్ ఏంటిరా? అని అందరూ నవ్వుకొన్నారు. సాధారణంగా అయితే ఈ తరహా పోస్టర్ల గురించి రెస్పాండ్ అవ్వాల్సిన అవసరం ఉండదు. కానీ..

ఇక్కడ పాడవుతున్నది సాయిధరమ్ తేజ్ నేమ్ కాబట్టి స్వయంగా తేజు రంగంలోకి దిగి క్లారిటీ ఇచ్చాడు. నిన్నటి నుంచి ఇంటర్నెట్ లో హల్ చల్ చేస్తున్న పోస్టర్ కానీ టైటిల్ కానీ ఒరిజినల్ కాదు. పైగా ఆ “ఇన్ అండ్ యాజ్ ఏంటో” అంటూ ట్వీట్ చేశాడు సాయిధరమ్ తేజ్. దాంతో జనాలకి సాయిధరమ్-కరుణాకరణ్ ల టైటిల్ విషయంలో క్లారిటీ వచ్చింది. ఇకపోతే.. ఇలా ఈ వదంతులు పుట్టుకొచ్చేలోపు టీం అఫీషియల్ గా ఎనౌన్స్ చేస్తే బెటర్ ఏమో.