దేవ కట్ట దర్శకత్వంలో సాయిధరమ్ తేజ్ సినిమా

అరడజను డిజాస్టర్ల అనంతరం సాయిధరమ్ తేజ్ అలియాస్ సాయి తేజ్ కి దక్కిన హిట్ “చిత్రాలహరి”. ఈ సినిమా ఇచ్చిన పాజిటివ్ ఎనర్జీతో సాయితేజ్ మంచి ప్రొజెక్ట్స్ సైన్ చేస్తూ ఇదివరకటిలా ఫాస్ట్ గా కాకుండా చాలా నింపాదిగా సినిమాలు చేస్తూ వస్తున్నాడు. ఆల్రెడీ మారుతి దర్శకత్వంలో “ప్రతి రోజు పండగ” అనే సినిమాలో నటిస్తున్న తేజు.. ఆ సినిమా చేస్తున్న సమయంలోనే మరికొన్ని కొత్త కథలు వినడం మొదలెట్టాడు.

మారుతి సినిమా తర్వాత దేవ కట్టా దర్శకత్వంలో నటించేందుకు సాయిధరమ్ తేజ్ సన్నద్ధమవుతున్నట్లు తెలుస్తోంది. “డైనమైట్” అనే డిజాస్టర్ అనంతరం మరో సినిమా సైన్ చేయని దేవ కట్టా బాహుబలి యానిమేషన్ సిరీస్ కు దర్శకుడిగా పని చేస్తున్నాడు. ఇటీవలే దేవా కట్ట మన సుప్రీమ్ హీరోకి మంచి ఇంటెన్సిటీ ఉన్న స్టోరీ ఒకటి చెప్పాడట. సాయి తేజ్ కి కూడా కథ బాగా నచ్చడంతో.. కథ పూర్తి చేయమని చెప్పాడట. ఈ సినిమా ఎప్పుడు సెట్స్ కు వెళ్తుంది అనే విషయం ఇంకా క్లారిటీ లేదు.