టైటిల్ ఇంకా ఫిక్స్ అవ్వలేదు, అయితే నేనే చెప్తాను

సాయిధరమ్ తేజ్-అనుపమ పరమేశ్వరన్ జంటగా కరుణాకరణ్ దర్శకత్వంలో తెరకెక్కుతున్న సినిమాకి ‘దేవుడు వరమందిస్తే’ అనే టైటిల్ ఫిక్స్ అయ్యిందనే విషయం వైరల్ అవ్వడం, “అది సినిమా టైటిల్ కాదు, అయినా ఇన్ & యాజ్ ఏంటో?” అంటూ సాయిధరమ్ తేజ్ రియాక్ట్ అవ్వడం తెలిసిందే. అయితే.. మళ్ళీ నిన్నటి నుంచి “అందమైన చందమామ” అనే మరో టైటిల్ హల్ చల్ చేస్తోంది. ఇది కూడా ఫైనలైజ్డ్ టైటిల్ కాదని తెలుస్తోంది. ఈ విషయాన్ని హీరో సాయిధరమ్ తేజ్ తన ట్విట్టర్ ద్వారా కన్ఫర్మ్ చేశాడు.

పూర్తి స్థాయి ప్రేమకథా చిత్రంగా తెరకెక్కుతున్న ఈ చిత్రంలో సాయిధరమ్ తేజ్-అనుపమ పరమేశ్వరన్ లు భార్యాభర్తలుగా నటిస్తున్నారని వినికిడి. అయితే.. టైటిల్స్ విషయంలో వస్తున్న కన్యూజన్ కి తెరపడాలంటే సాయిధరమ్ తేజ్ లేదా డైరెక్టర్ కరుణాకరణ్ ఏదో ఒక ఫస్ట్ లుక్ రిలీజ్ చేయడమో లేక కనీసం సినిమాకి సంబంధించిన టైటిల్ ను ఎనౌన్స్ చేయడమో చేయకపోతే ఇలాంటి హడావుడి టైటిల్స్ రచ్చ చేయడం కామనైపోతుంది.