బాహుబలి రికార్డ్ ను బీట్ చేసిన ఫిదా వీడియో సాంగ్!

ఇండియాస్ బిగ్గెస్ట్ హిట్ అయిన “బాహుబలి” సినిమా రికార్డ్ ను తెలంగాణ సూపర్ హిట్ అయిన “ఫిదా” బీట్ చేసింది. 300 కోట్ల రూపాయలతో తెరకెక్కి వేల కోట్ల రూపాయలు వసూలు చేసిన “బాహుబలి” రికార్డ్ ను.. 20 కోట్ల లోపు బడ్జెట్ తో తెరకెక్కి 50 కోట్ల రూపాయల గ్రాస్ వసూలు చేసిన “ఫిదా” ఏ రకంగా పోటీగా నిలిచింది అని ఆలోచించేస్తున్నారా?

ఇంతకీ మేటర్ ఏంటంటే.. “బాహుబలి 2″లోని “సాహోరే బాహుబలి” వీడియో సాంగ్ కి 116 మిలియన్ వ్యూస్ వస్తే.. “ఫిదా” సినిమాలోని “వచ్చిండే మెల్లా మెల్లగా వచ్చిండే” అనే పాట ఏకంగా 120 మిలియన్ వ్యూస్ సాధించింది. అంటే.. జనాలకి “బాహుబలి”గా ప్రభాస్ హీరోయిజం కంటే “ఫిదా”లో భానుమతిగా సాయిపల్లవి అల్లరి బాగా నచ్చిందన్నమాట. ఆ విధంగా ప్రభాస్ ను పాప సాయిపల్లవి బీట్ చేసి సరికొత్త రికార్డ్ ను క్రియేట్ చేసింది.