Sai Pallavi, Rashmika: ‘విరాటపర్వం’ ప్రమోషన్స్‌లో ఏం జరుగుతోందో చూశారా!

June 18, 2022 / 01:38 PM ISTByFilmy Focus

Join Us

Sai Pallavi, Rashmika: ‘విరాటపర్వం’ ప్రమోషన్స్‌లో ఏం జరుగుతోందో చూశారా!

సినిమా హీరోయిన్లు అభిమానుల మధ్యకు వచ్చి డ్యాన్స్‌ వేయడం ఎప్పుడైనా చూశామా? టాలీవుడ్‌లో ఇది చాలా తక్కువ అని చెప్పాలి. బాలీవుడ్‌లో ఓ సినిమా రిలీజ్‌ అంటే మొత్తం ఉత్తరభారతం అంతా తిరిగి స్టెప్పులేసి, గోల చేసి, ఈల వేసి నానా హంగామా చేసి సినిమాకు ప్రచారం చేస్తుంటారు. బాలీవుడ్‌లో చాలా ఏళ్లుగా రాణిస్తున్న ఫార్ములా ఇది. దీనికి ఇతర పరిశ్రమలు పెద్దగా పట్టించుకోలేదు. ఇప్పుడిప్పుడే తెలుగు సినిమా పరిశ్రమలో ఈ పని చేస్తున్నారు.

ఏదో ప్రీ రిలీజ్‌ ఈవెంట్‌లో డ్యాన్స్‌ చేయడం చూశాం. కానీ చిన్న చిన్న ఈవెంట్లలో హీరోయిన్లు డ్యాన్స్‌ వేయడం అంతే తక్కువే. అయితే టాలీవుడ్‌లో ఇలా ప్రెస్‌మీట్‌లు, మీడియా ఇంటరాక్షన్‌లో డ్యాన్స్‌లు వేయడం భారీగా ప్రారంభించింది అంటే రష్మిక మందన అనే చెప్పాలి. ‘పుష్ప’ సినిమా ప్రచారంలో భాగంగా రష్మిక ఎక్కడికెళ్లినా… ‘సామి సామి’ హుక్‌ స్టెప్‌ని వేసి సందడి చేసింది. సినిమా ప్రచారం మొత్తంలో ఆమె ఈ స్టెప్పుతోనే అలరించింది అని చెప్పినా ఆశ్చర్యం లేదు.

ఇప్పుడు ‘విరాటపర్వం’ సినిమా కోసం సాయిపల్లవి కూడా అదే పని చేస్తోంది. టీవీ కార్యక్రమాలు, ప్రెస్‌మీట్‌లు… ఇలా ఎక్కడికెళ్లినా అడగ్గానే డ్యాన్స్‌లు వేస్తోంది. అయితే ఇక్కడే చిన్న మెలిక ఉంది. అదే సాయిపల్లవికి, రష్మిక మధ్య ఉన్న తేడాను చూపిస్తోంది. రష్మిక ఎక్కడ డ్యాన్స్‌ వేసినా అది ‘పుష్ప’ సినిమాలోని పాటకే చేసింది. దీంతో ఆ రకంగా కూడా సినిమాకు ప్రచారం జరిగింది. కానీ సాయిపల్లవి మాత్రం వేరే సినిమాల పాటలకు డ్యాన్స్‌లు వేస్తోంది.

అంటే ‘ఫిదా’లో ‘వచ్చిండే..’ పాటకు, ‘శ్యామ్‌ సింగరాయ్‌’లోని పాటకు.. ఇలా ‘విరాటపర్వం’తో సంబంధం లేని సినిమాల పాటలకు డ్యాన్స్‌లు వేస్తోంది. దీంతో అనుకున్నంతమేర సినిమాకు ఆ డ్యాన్స్‌ ఉపయోగపడం లేదు. సినిమా విడుదల ఈ రోజు అయిపోయినా… ఇంకా ప్రచారం సాగుతుంది. మొత్తం ప్రచారంలో నేను ఉంటాను అని సాయిపల్లవి చెప్పింది కూడా. కాబట్టి ఇకపై డ్యాన్స్‌లు వేస్తే ‘విరాటపర్వం’ పాటకో, లేదంటే సినిమాకు లాభమొచ్చేలానో డ్యాన్స్‌ వేయాలి. ఈ సినిమా కార్యక్రమంలో పాత పాటకు డ్యాన్స్‌ వేయడం ఎంతవరకు కరెక్ట్‌ మీరే చెప్పండి.