మలయాళ ”ప్రేమమ్” సినిమాలో మలర్ క్యారెక్టర్తో యువత హృదయాలను దోచుకున్ననటి సాయి పల్లవి. ఈ తమిళ బ్యూటీ కూడా ఓ హీరోని తెగ ప్రేమిస్తోందంట. అతను కనిపిస్తే ఐ లవ్ యు అని చెప్పేస్తానని ఓ పత్రికకు ఇచ్చిన ఇంటర్వ్యూ లో ఆమె వెల్లడించింది. ప్రస్తుతం శేఖర్ కమ్ముల దర్శకత్వంలో ఫిదా సినిమాలో మెగా ప్రిన్స్ వరుణ్ తేజ్ పక్కన హీరోయిన్ గా నటిస్తోంది. పక్కా తెలంగాణ అమ్మాయిగా ఇందులో కనిపించనుంది. ప్రముఖ నిర్మాత దిల్ రాజ్ నిర్మిస్తున్న ఈ సినిమా వేగంగా షూటింగ్ జరుపుకుంటోంది. బాన్సువాడలో మొదటి షెడ్యూల్ కూడా పూర్తి చేసుకుంది.
మెడిసిన్ చదివిన సాయి పల్లవి తాను స్కిన్ షో కి దూరమని స్పష్టంగా చెబుతోంది. అయినా ఆమెకు అవకాశాలు తగ్గడం లేదు. రీసెంట్ గా ‘జస్ట్ ఫర్ విమెన్’ మ్యాగజైన్ కవర్ పేజిపై మెరిసింది. ఆ పత్రికకు ఇచ్చిన ప్రత్యేక ఇంటర్వ్యూ లో ఆసక్తికర సంగతులను చెప్పింది. “నేను సూర్యకి వీరాభిమానిని. ఆయనతో కలిసి నటించాలని ఉంది. అది కుదురుతుందో లేదో కానీ కచ్చితంగా అతన్ని కలుస్తా. కలిసినప్పుడు మాత్రం ఐ లవ్ యూ చెప్పేస్తా” అని సాయి పల్లవి తన మనసులోని మాటను బయట పెట్టారు.
