సాయిపల్లవి తన తాజా చిత్రం ‘కణం’ ప్రమోషన్స్ లో పాల్గొని ఆ సినిమాను ప్రమోట్ చేయడం కంటే మీడియావారు అడుగుతున్న ప్రశ్నలకు తనదైన శైలిలో సమాధానాలు చెబుతూ ఆశ్చర్యపరచడం ఎక్కువైంది. చెన్నై రిపోర్టర్లు సాయిపల్లవిని ఎన్టీవీ ఇంటర్వ్యూలో శౌర్య “నేను పనిచేసిన ఇరిటేటింగ్ కోఆర్టిస్ట్ సాయిపల్లవి” అని చెప్పడం గురించి అడగగా.. “నేను ఎవర్నీ బాధపెట్టలేదు, బాధపెట్టను కూడా. ఒకవేళ బాధపడి ఉంటే అది నా తప్పు కాదు” అంటూ చాలా తెలివిగా సమాధానమిచ్చింది.
అలాగే.. కంటెంట్ ఉన్న సినిమాల్లో మాత్రమే నటిస్తానని చెప్పిన మీరు “మిడిల్ క్లాస్ అబ్బాయి”లో ఎలా నటించారు అని అడిగితే.. “నాకు కమర్షియల్ సినిమాల్లో నటించాలనే ఆశ ఉండేది, అది ఈ సినిమాతో నెరవేరింది. అలాగే భవిష్యత్ లో ఎలాంటి సినిమాల్లో నటించాలి, నటించకూడదు అనే విషయంలో క్లారిటీ కూడా వచ్చింది” అని చెప్పింది. ఈ ఆన్సన్ వినడానికి మామూలుగా ఉన్నా.. కాస్త సరిగ్గా చూస్తే బోలెడంత వెటకారం ఉంది. ఈ సెటైర్లు శౌర్య, నానిల వరకూ వెళ్తాయో లేదో తెలియదు కానీ.. వారి అభిమానులు మాత్రం తెగ బాధపడిపోతున్నారు. తమిళ మీడియా ముందు తెలుగు హీరోల గురించి ఈ విధంగా కామెంట్ చేసిన సాయిపల్లవి.. తన తదుపరి చిత్రాల ప్రమోషన్స్ కోసం తెలుగు మీడియాతో ఇంటరాక్ట్ అవ్వాల్సి వచ్చినప్పుడు ఎలా ఫేస్ చేస్తుందో చూడాలి.
