ప్రస్తుతం టాలీవుడ్ లో వరుస ఆఫర్లతో దూసుకుపోతుంది నటి సాయి పల్లవి. ఆమె చేతిలో ఇప్పుడు ఏకంగా ఐదు సినిమాలు ఉన్నాయి. ఇవన్నీ కూడా క్రేజీ ప్రాజెక్ట్ లనే చెప్పాలి. నాగచైతన్య హీరోగా ‘లవ్ స్టోరీ’ సినిమాను పూర్తి చేసింది సాయి పల్లవి. శేఖర్ కమ్ముల డైరెక్ట్ చేసిన ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. పైగా తన సినిమాల్లో హీరోయిన్ క్యారెక్టర్ ని చాలా స్ట్రాంగ్ గా చూపిస్తుంటారు ఈ దర్శకుడు. కొత్త ఏడాదిలో ఈ సినిమా విడుదలకు సిద్ధమవుతుంది. దీంతో పాటు రానా నటిస్తోన్న ‘విరాటపర్వం’ సినిమాలో సాయి పల్లవి కీలక పాత్రలో నటించింది.
ఈ సినిమాలో అమ్మడు నక్సలైట్ గా కనిపించబోతుంది. కథ ప్రకారం ఈమె పాత్రకి మంచి ప్రాధాన్యత ఉన్నట్లు తెలుస్తోంది. ఇప్పుడు నాని నటిస్తోన్న ‘శ్యామ్ సింగరాయ్’ సినిమాకి ఓకే చెప్పింది ఈ బ్యూటీ. త్వరలోనే ఈ సినిమా షూటింగ్ లో జాయిన్ కానుంది. ఇందులో హీరోతో సమానంగా ఈమె పాత్ర ఉంటుందని చెబుతున్నారు. ఒక దశలో నెగెటివ్ షేడ్స్ లో కనిపిస్తుందట. ఇక పవర్ స్టార్ పవన్ కళ్యాణ్, సాగర్ చంద్ర కాంబినేషన్ లో రాబోతున్న మలయాళం రీమేక్ లో కూడా సాయి పల్లవిని తీసుకున్నట్లు తెలుస్తోంది. ఇందులో ఆమె రోల్ చిన్నదైనా హైలైట్ గా నిలుస్తుందని చెబుతున్నారు.
ఈ నాలుగు సినిమాలతో పాటు మరో క్రేజీ ఆఫర్ అందుకుంది సాయి పల్లవి. కృష్ణవంశీ, గోపీచంద్ కాంబినేషన్ లో రాబోతున్న ‘అలిమేలు మంగ వెంకటరమణ’ ప్రాజెక్ట్ లో హీరోయిన్ గా సాయి పల్లవిని తీసుకున్నారు. ఇదొక హీరోయిన్ ఓరియెంటెడ్ సినిమా అనే సంగతి తెలిసిందే. ఈ పాత్ర కోసం ముందుగా కాజల్, కీర్తి సురేష్ లాంటి హీరోయిన్లను తీసుకోవాలనుకున్నారు. ఫైనల్ గా ఈ ఛాన్స్ సాయి పల్లవికి దక్కింది. ఇలా బ్యాక్ టు బ్యాక్ క్రేజీ ప్రాజెక్ట్ లలో నటిస్తూ.. టాలీవుడ్ లో స్టార్ హీరోయిన్ హోదా అందుకోవడానికి అతి చేరువలో ఉంది ఈ బ్యూటీ.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
