విరాటపర్వంలో జర్నలిస్ట్ గా సాయిపల్లవి

ఇటీవల మొదలైన “విరాట పర్వం” అనే సినిమాలో రాణా దగ్గుబాటి సరసన సాయిపల్లవి కథానాయికగా నటిస్తున్న విషయం తెలిసిందే. “నీదీ నాదీ ఒకే కథ” ఫేమ్ వేణు ఉడుగుల దర్శకత్వంలో తెరకెక్కుతున్న ఈ చిత్రంలో సాయిపల్లవి నక్సలైట్ పాత్ర పోషిస్తోందని నిన్నమొన్నటివరకూ కొన్ని వార్తలు హల్ చల్ చేసిన విషయం తెలిసిందే. అయితే.. సినిమా ప్రారంభమైన తర్వాత సినిమాకి సంబంధించి సరికొత్త అప్డేట్ వచ్చింది. ఈ సినిమాలో సాయిపల్లవి ముందు అందరూ అనుకొన్నట్లుగా నక్సలైట్ గా కనిపించబోవడం లేదట.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

ఈ సినిమాలో రాణా నక్సలైట్ పాత్రలో కనిపించనున్నాడని. తెలంగాణ పోరాటం నేపధ్యంలో తెరకెక్కుతున్న ఈ చిత్రంలో సాయిపల్లవి జర్నలిస్ట్ గా కనిపించనుంది. ఓ సామాజిక సమస్య కోసం పాటుపడే జర్నలిస్ట్ పాత్రలో సాయిపల్లవి కనిపించనుంది. “పడి పడి లేచే మనసు, మారి 2. ఎన్ జి కె” లాంటి ఫ్లాప్ సినిమాల తర్వాత సాయిపల్లవి నటిస్తున్న సినిమా కావడంతో ఈ సినిమాపై చాలా ఆశలు పెట్టుకొంది సాయిపల్లవి. త్వరలోనే ఈ చిత్రం రెగ్యులర్ షూటింగ్ మొదలవ్వనుంది.