Sai Rajesh: ఇంకా అలాంటి కథలున్నాయ్‌… వస్తాయి కూడా: సాయి రాజేశ్‌

ఆనంద్ దేవరకొండ, వైష్ణవి చైతన్య, విరాజ్‌ అశ్విన్‌ ప్రధాన పాత్రల్లో నటించిన చిత్రం ‘బేబీ’. ఈ సినిమాకు రెండు మూడు రకాల స్పందనలు వచ్చాయి. అయితే బాగుంది అనే స్పందన ఎక్కువగా రావడం వల్ల సినిమా హిట్ అయిపోయింది. ఆ స్పందన తర్వాత వినిపించిన మరో పెద్ద స్పందన ఇదేదో ‘నిబ్బా నిబ్బి’ స్టోరీలా ఉందే అని. ఈ విషయంలో తాజాగా సినిమా దర్శకుడు సాయి రాజేశ్‌ మాట్లాడారు. ఆ సినిమా మీద వచ్చిన కామెంట్స్‌కు దగ్గరగానే ఆయన స్పందన కూడా ఉండటం గమనార్హం.

‘బేబీ’ టీమ్‌ అంతా కలసి మరో కొత్త సినిమాను ప్రారంభించారు. విజయాలు లేకపోయినా వరుస అవకాశాలు అందుకుంటున్న సంతోష్ శోభన్ హీరోగా, యూట్యూబర్‌ దేత్తడి హారిక ప్రధాన పాత్రల్లో ఈ సినిమా తెరకెక్కుతుంది. ఈ సినిమా ప్రారంభించిన సందర్భంగా… దర్శకుడు మాట్లాడుతూ గతంలో నన్ను కొంతమంది అడిగినట్లుగా ‘నిబ్బా నిబ్బి’ కథలు స్టైల్ లోనే ఈ సినిమా కూడా ఉంటుందని చెప్పారు.

తన సినిమా గురించి మరొకరు కామెంట్ చేయకుండా తనే కామెంట్ చేసుకోవడం ఇండస్ట్రీలో టాక్ ఆఫ్ ది టౌన్‌గా మారింది. నిజానికి ‘బేబీ’ సినిమా విషయంలో ఇలాంటి కామెంట్టే వచ్చాయి. అందుకే ఇప్పుడు సాయి రాజేష్ ఇంకొకసారి అలాంటి మాట అనకుండా ఆయనే అనేశారు అని చెప్పొచ్చు. అలాగే తానేమి లోకేశ్‌ కనగరాజ్‌ లాంటి దర్శకుణ్ని కాదని… సినిమాటిక్ యూనివర్సలు, లింకుల కథలు చేయను అంటూ సెటైరికల్‌గా చెప్పుకొచ్చారు.

తన దగ్గర ఉన్న ఆరు స్టోరీస్ హార్ట్ హిట్టింగ్ గా ఉన్నాయని, ‘బేబీ’ సినిమా నిర్మాత ఎస్‌కేఎన్‌తో కలిసే ఆ సినిమాలు చేస్తామని చెప్పారు. దీంతో ఆ కథలేంటి, చెప్పబోతున్న అంశాలేంటి అనే ప్రశ్న సోషల్‌ మీడియాలో కనిపిస్తోంది. అలాగే ‘బేబీ’ సినిమాలో కొన్ని సీన్స్‌ తన నిజ జీవితంలోనివి అని చెప్పారు సాయిరాజేశ్‌ (Sai Rajesh) . మరిప్పుడు ఈ సినిమాలో ఏం చూపిస్తారు, ఏం చెబుతారో చూడాలి.

‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!

‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!