టాలీవుడ్‌లో బెస్ట్‌ ఫ్రెండ్స్‌ లిస్ట్‌ రాస్తే.. పవన్ కల్యాణ్‌ – త్రివిక్రమ్ పేర్లు కచ్చితంగా ఉంటాయి. అంతలా వారి మధ్య అనుబంధం ఉంది. సినిమాలు మాత్రమే అనుకోకుండా.. వ్యక్తిగత విషయాల్లోనూ ఇద్దరూ ఒకరికొకరు సాయం చేసుకుంటారు. మాట సాయం, చేత సాయం రెండూ ఉంటాయి. అయితే ఇద్దరి గురించి మనకు తెలిసింది బయట నుండి మాత్రమే. ఇంట్లోనే పక్కనే ఉండి వారి స్నేహం చూసినవాళ్లు చాలా తక్కువమంది. అందులో త్రివిక్రమ్ భార్య సౌజన్య ఒకరు.
సంప్రదాయ నృత్యకారిణిగా పేరు తెచ్చుకున్న సౌజన్య (Sai Sowjanya) ఇటీవల నిర్మాతగా మారారు కూడా. వరుస సినిమాలు చేసి విజయాలు కూడా అందుకున్నారు. ఈ నేపథ్యంలో ఆమె మీడియాతో మాట్లాడుతూ ఆసక్తికర విషయాలు చెప్పుకొచ్చారు. సినిమాల విషయంలో తన ఆలోచనలు ఎలా ఉంటాయి, పిల్లల ఆలోచనలు ఏంటి, ఎలాంటి కథలు ఎంపిక చేసుకుంటున్నారు లాంటి వివరాలు వెల్లడించారు ఆమె. ఈ క్రమంలో త్రివిక్రమ్ – పవన్ స్నేహం గురించి కూడా చెప్పారు.
పవన్ కల్యాణ్‌.. త్రివిక్రమ్ ఇంటికి వస్తే కబుర్లలో పడి ప్రపంచాన్నే మర్చిపోతుంటారట. ఇంటికి వచ్చిన ప్రతిసారి ఆమె చేత్తో ఉప్మా అడిగి మరీ చేయించుకుంటారట. అలాగే ఇంట్లో చేసిన రవ్వ లడ్డు, ఊరగాయ అంటే కూడా చాలా ఇష్టంగా తింటారట పవన్. మధ్యాహ్నం పూట భోజనానికి వస్తే.. శాకాహారాన్నే ప్రిఫర్‌ చేస్తారని సౌజన్య చెప్పుకొచ్చారు. అలా పవన్ ఆహారపు అలవాట్టు బయటకు వచ్చాయి. దీంతోపాటు ఆమె మరికొన్ని వివరాలు చెప్పారు.
పవన్, త్రివిక్రమ్‌లకు ఒకరంటే మరొకరికి చాలా గౌరవమని, త్రివిక్రమ్ తాను దాచుకున్న పుస్తకాలను ఎవరికీ ఇవ్వరుని.. అయితే పవన్ అడిగితే కాదనకుండా ఇచ్చేస్తుంటారు అని చెప్పారు సౌజన్య. అలాగే పవన్ నుండి కూడా అంతే అభిమానం చూస్తుంటామని చెప్పారామె. ఇక పవన్ తన సన్నిహితులకు, స్నేహితులకు తన తోటలో పండిన పళ్లను ఇస్తూ ఉంటారు. ఇద్దరి మధ్య స్నేహం ఎంతుందో చెప్పే క్రమంలో త్రివిక్రమ్‌ను పవన్ గురువుగా భావిస్తాను అని కూడా ఇటీవల తెలిపారు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
