‘రాధేశ్యామ్’ ఫలితంతో తీవ్ర నిరాశలో ప్రభాస్‌ ఫ్యాన్స్‌కు మరో బ్యాడ్‌ న్యూస్‌. స్ట్రయిట్‌గా విషయంలోకి వచ్చేస్తే… అభిమానులు ఎన్నో ఆశలు పెట్టుకున్న ‘సలార్‌’ సినిమా ఈ ఏడాది రావడం కష్టమే అంటున్నాయి టాలీవుడ్‌ వర్గాలు. అదేంటి ఈ ఏడాదిలో వచ్చేస్తుంది అన్నారుగా ఆ మధ్య అంటారా? అలానే అనుకున్నప్పటికీ.. పరిస్థితి చూస్తుంటే ఈ ఏడాది ‘సలార్‌’ ప్రేక్షకుల ముందుకు తీసుకురావడం అంత ఈజీగా కాదు అనే మాటే వినిపిస్తోంది. గతంలో వచ్చిన పుకార్ల ప్రకారం చూస్తే…
దసరాకు ‘సలార్‌’ విడుదల కావల్సి ఉంది. ఆ మధ్య సినిమా షూటింగ్‌ ఫుల్‌ పేస్‌లో చేశారు కూడా. వరుస షెడ్యూల్స్‌లో సినిమా షూటింగ్‌ సాగింది. అయితే ఇటీవల కాలంలో సినిమా షెడ్యూల్స్‌ జరగడం లేదు. సినిమా విడుదల వాయిదా పడటానికి ఇది ఒక కారణం అని చెబుతున్నారు. ‘కేజీయఫ్‌ 2’ విడుదల తేదీ దగ్గరపడుతుండటంతో దర్శకుడు ప్రశాంత్‌ నీల్‌ అటువైపు దృష్టి పెట్టాడట. సినిమాకు సంబంధించి ఇంట్రో సాంగ్‌ రీషూట్‌ చేశారని ఆ మధ్య వార్తలొచ్చాయి కూడా.
‘కేజీయఫ్‌ 2’ను ఏప్రిల్‌ 14న విడుదల చేయబోతున్నారు. పాన్‌ ఇండియా సినిమా కావడంతో ప్రచారాన్ని షురూ చేయాల్సిన సమయం వచ్చేసింది. దీంతో ప్రశాంత్‌ నీల్‌ టీమ్‌ ప్రస్తుతం ఆ పనిలో ఉందట. ఆ సినిమా పనులు అయ్యి, సినిమా విడుదలయ్యాక అప్పుడు ‘సలార్‌’ పనులు మళ్లీ స్టార్ట్‌చేయాలని అనుకుంటున్నారట. ఈ ఎక్కన మే తొలి వారంలో కానీ, జూన్‌లో కానీ సినిమా పనులు మళ్లీ మొదలవుతాయి. దీంతో దసరాకు ‘సలార్‌’ రెడీ అవ్వదు అని లెక్కలేస్తున్నారు.
మరోవైపు ‘సలార్‌’ను రెండు పార్టులుగా తీస్తున్నారనే వార్తలూ వస్తున్నాయి. ఆ లెక్కన తొలి పార్టులో ఇంకొన్ని సీన్స్‌ అవసరం ఉన్నాయి అంటున్నారు. ఈ లెక్కలన్నీ వేసుకొని దసరాకు ‘సలార్‌’ కష్టమే అనేది ఫైనల్‌ సమాధానం. మరోవైపు ప్రభాస్‌ ‘ప్రాజెక్ట్‌ కె’కి డేట్స్‌ ఇచ్చేశాడు. ఆ సినిమా పనులు ఓ కొలిక్కి వస్తేనే… తిరిగి ‘సలార్‌’ సెట్‌కి వస్తాడు అనే మాట కూడా వినిపిస్తోంది. మరోవైపు మధ్యలో చిన్న సినిమా చేయాలని మారుతి సినిమాకు ప్రభాస్‌ ఓకే ఎప్పాడనే వార్తలూ వస్తున్నాయి. ఇవన్నీ ‘సలార్‌’ ఆలస్యానికి కారణాలు అంటున్నారు.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home