సలార్1 మూవీ బాక్సాఫీస్ వద్ద దాదాపుగా 700 కోట్ల రూపాయల రేంజ్ లో గ్రాస్ కలెక్షన్లను సొంతం చేసుకున్న సంగతి తెలిసిందే. సలార్2 సినిమా గురించి నిర్మాత విజయ్ కిరంగదూర్ స్పందిస్తూ ఆసక్తికర వ్యాఖ్యలు చేశారు. సలార్2 మూవీ స్క్రిప్ట్ సిద్ధమైందని ఎప్పుడైనా షూటింగ్ ప్రారంభించే అవకాశాలు ఉన్నాయని చెప్పుకొచ్చారు. ప్రభాస్, ప్రశాంత్ నీల్ వీలైనంత త్వరగా షూట్ మొదలుపెట్టాలని అనుకుంటున్నారని ఆయన వెల్లడించారు. 15 నెలల్లో సలార్2 మూవీ షూట్ ను పూర్తి చేయాలని మేమంతా నిర్ణయించుకున్నామని ఆయన తెలిపారు.
ప్రపంచవ్యాప్తంగా ఉన్న ప్రభాస్ ఫ్యాన్స్ ను సలార్ ఆకట్టుకుందని విజయ్ కిరంగదూర్ అన్నారు. ప్రభాస్ ఫ్యాన్స్ తమ అభిమాన నటుడిని చాలా కాలం తర్వాత యాంగ్రీమ్యాన్ గా చూశారని ఆయన కామెంట్లు చేశారు. సలార్ మూవీ కలెక్షన్ల విషయంలో సంతృప్తిగా ఉన్నామని విజయ్ కిరంగదూర్ వెల్లడించారు. సలార్ విషయంలో కొంత నెగిటివిటీ ఉన్నా మేకింగ్ విషయంలో సలార్ మూవీని ఎవరూ విమర్శించలేదని ఆయన కామెంట్లు చేయగా ఆ కామెంట్లు నెట్టింట హాట్ టాపిక్ అవుతున్నాయి.
సలార్1 (Salaar) నూవీ పార్ట్2 కు ట్రైలర్ లాంటిదని సలార్2 గేమ్ ఆఫ్ థ్రోన్స్ లా ఉండనుందని ఆయన కామెంట్లు చేశారు. సలార్2 మూవీలో యాక్షన్, డ్రామా, పాలిటిక్స్ ఇలా వేర్వేరు అంశాలు కనిపిస్తాయని విజయ్ కిరంగదూర్ అన్నారు. ప్రశాంత్ నీల్ పార్ట్1 లో కేవలం పాత్రలను పరిచయం చేశాడని సీక్వెల్ లో చాలా సర్ప్రైజ్ లు ఉంటాయని ఆయన చెప్పుకొచ్చారు.
అయితే విజయ్ కిరంగదూర్ వెల్లడించిన విషయాలు ఎన్టీఆర్ ఫ్యాన్స్ కు షాకిస్తున్నారు. ప్రశాంత్ నీల్ తర్వాత మూవీ సలార్2 అనే అర్థం వచ్చేలా ఆయన కామెంట్లు చేశారు. 2025 సంవత్సరంలో సలార్2 మూవీని రిలీజ్ చేస్తామని ఆయన వెల్లడించడం గమనార్హం.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
